2009年12月24日 星期四

191209 ~ 241209 一波未平一波一起

進入咗第一針化療針嘅第二星期,身體狀況回復正常,本以為可以開開心心等待下一次嘅治療,但我嘅肥家姐竟然舊病復發,真係令我心情直插谷底啊!


事源係我肥家姐係一個十幾年嘅精神病患者,近幾年哩個病比較開明咗,所以正確哩講係一個情緒病患者,佢一有心事困擾就會突然咩都唔記得晒,唔識返屋企,搭錯巴士、甚至試過上人哋本地遊嘅旅遊巴唔知去咗邊,要我哋四出咁搵佢啊!


佢而家適當嘅治療下已經冇病發好幾年啦!但當佢知道咗我患上咗癌症之後,佢個腦袋唔知係咪又諗得太多嘢!竟然又再突然唔記得晒啲嘢,噚日離開咗宿舍後唔知佢去咗邊,今次佢連電話都唔記得帶,幾個鐘頭都唔知去邊到搵佢好!


我又唔可以出街,B女媽咪一放工就去佢平時鐘意去嘅地方搵,但搵咗幾個鐘都搵唔到,好彩佢連銀包同八達通都唔記得帶,所以冇去搭車,最後佢宿舍附近嘅商場管理處打嚟,管理員話佢唔識返屋企,淨係記得屋企電話號碼同我個名。


而家同佢入咗醫院,都唔知佢幾時可以平復返啊!B女媽咪除咗要為我擔心,而家重要為佢奔波,我又唔可以去醫院,想幫輕都唔得,點解係都要跟住我哋呀??


                                   

worried.gif


18 則留言:

  1. 不要擔心 ! 姐姐入了醫院就交給醫護人士照顧她吧 !!
    妳不要想太多 , 要分擔家中的事務 , 一定要有好的身體才可呢 !!
    [版主回覆12/24/2009 19:50:00]多謝晒! 而家都係唯有等佢慢慢平復返啦! Merry Christmas呀!!

    回覆刪除
  2. 你唔開心同你的擔心會影響到你自己的病情, 所以你不要想得太多, 先安心養好病先, 你病好, 你個肥家姐都會好....
    [版主回覆12/24/2009 19:53:00]因為佢都幾年冇事, 而家好似因為我搞成咁, 所以...唉! 而家唯有等佢自己慢慢平復返啦! 不過佢而家喺醫院我都放心啲, 始終有醫生、護士睇住應該會好好多啊!
    多謝你嘅慰問啊! Merry Christmas!!
     

    回覆刪除
  3. 船到橋頭自然直! Don’t worry too much!
    [版主回覆12/24/2009 19:54:00]Thank You!! Wishing you have a Merry Christmas!!

    回覆刪除
  4. 唔好咁擔心......會影響到你自己的病情架 !!
    有人睇住你家姐 , 要放心呀 !
    Take care !!!!!!!!!!!!!!!!!!!!!!!!!
    我好明白你的心情......因為我的家姐也是長期病患者......病到任何人都唔想見 !! 我幫唔到佢, 我好難過.....知道無奈的感覺是如何的 !!!
    [版主回覆12/24/2009 19:57:00]原來你都有一個故事, 好多謝你嘅安慰啊! 我而家心情都好返啲啦!  Thank you你啊!
    Wishing you have a Merry Christmas!!

    回覆刪除
  5. don't give up
    add oil
    take care
    & merry christmas!
    [版主回覆12/24/2009 19:57:00]Thank you & you have a Merry Christmas too!!

    回覆刪除
  6. 我都好明白你心情,既然你不可到醫院探她,你可多點用電話安慰她,說你的病一定會好的,著她不用擔心。你這段時間也可多看點勵志書,保持一個正面的心境。有一個 blog 是由大約 9 月開始,我一直跟到現在, blog 主的太太在生 bb 因腦缺氧,一直病重至現在,最近更須插喉,但是他很能樂觀面對,我想信他的積極心態定能帶給你不小正能量,他的網址是 : http://hk.myblog.yahoo.com/carmen-anthony
    [版主回覆12/24/2009 20:08:00]Alex, 好多謝你啊! 我頭先睇咗啲你介紹嘅blog, 見到blog主嘅遭遇, 原來自己都未去到谷底啫!!
    好多謝你嘅鼓勵啊! 我會繼續睇佢個blog啊!!
    祝你哋一家聖誕快樂, 開開心心啊!

    回覆刪除
  7. 多正面去看待身邊的事吧,一切會更好的。 我家姐都好像你一樣有這個病,治療的過程是會辛苦一點,家人亦會為你而擔心。但日子很快會過,生活亦很快回覆正常的。 Cheer up.  Merry Christmas and Happy New Year.
    [版主回覆12/27/2009 08:11:00]多謝你嘅鼓勵啊! 我都期待緊正常生活嘅日子快啲來臨!

    回覆刪除
  8. 人生就是由經歷組成, 經歷就是由開心的與唔開心的事組成,只要您當今次是一次考驗,努力面對,向您姐姐多發放正能量,事情很快就會過去。
    Don't worry, be happy!
    聖誕快樂,早日康復!
    [版主回覆12/27/2009 08:15:00]King, 多謝你啊! 而家情況好返好多啦! 睇到你哋咁多嘅支持同鼓勵, 心情已經喺谷底慢慢咁升返上嚟啦!
    聖誕過咗, 同你講聲Happy New Year 2010啦!

    回覆刪除
  9. 保重, 祝你們一家平安快樂, 身體健康, 開開心心
    [版主回覆12/27/2009 08:15:00]Thank you!!

    回覆刪除
  10. Shirley :             實在太過唔好彩 ,    依家都冇乜辦法 , 唯有等 "肥家姐" 慢慢平復 , 妳都唔好太過擔心 , 萬一妳都有事 , 咁就麻煩 ,    盡量平常心 , 新既一年衰野走晒 . 
    Bye Bye !
    [版主回覆12/27/2009 08:16:00]Thank you Man Wai!! 我都希望2010年啲衰嘢唔好再跟住我啦!
    你好叻呀! 嗰個係芝士蛋糕嚟咖! 我表妹自己整咖!

    回覆刪除
  11. 放心啦 ! 過左依日 D 衰 嘢 走晒 ,D 好 嘢 就排住隊找妳 !!
    聖誕快樂 !
    新年快樂
     
    [版主回覆12/27/2009 08:17:00]多謝!! 承你貴言啊!

    回覆刪除
  12. 祝願聖誕快樂,新年蒙福!
    「在至高之處榮耀歸與神、
    在地上平安歸與他所喜悅的人。」 (路2:14)
    努力呀!加油!
    [版主回覆12/27/2009 08:17:00]Thank you!!

    回覆刪除
  13. 祝 一切安好!不要太難過,明天一定會更好的!

    回覆刪除
  14. 我是路過的, 願主祝福妳和妳姐姐, 為妳哋祈禱....
    撑住呀!

    回覆刪除
  15. 總有雨過天晴既一天,唔洗咁擔心,你現在最緊要有決心戰勝病魔! 咁到時你就可以多啲關心你家姐啦,有好既身體先可以做好多嘢架! 加油呀! 支持你打贏呢場仗架! 如果你有機會可以同你家姐講可以放心你會有信心打呢場仗要佢支持你! 我老爸就係咁我我老媽講,人既意智好緊要! 加油! 努力呀!

    回覆刪除
  16. 以後避免給姐姐負面消息好了。每個人都有機會遇上不幸,程度不同而已,要比較,跟霍金、跟埃塞俄比亞的苦民比較罷,原來自己仍算不幸中之幸運者!不要過於注視目前,放眼遠處;飛上天空,回看地球,自己原來實在細小得很!

    回覆刪除
  17. 新既一年希望所有好既嘢帶給你! 身體健康! 事事順心理 Happy New Year!

    回覆刪除
  18. i'm sorry to learn this.
    好彩搵到姐姐.
    我會繼續為你祈禱, 希望你一家會樂觀面對, 同埋媽媽有精神體力支持落去!
    仲有, 你一定可以好快好番o架! 只要唔放棄, 一定可以撐到低!
    cheer up!!

    回覆刪除