2010年12月31日 星期五
2010年12月24日 星期五
2010年12月17日 星期五
兩日一夜澳門行 (15.12.2010) 2/2
坐上的士，輕輕鬆鬆就去到主教山嘞！
主教山小堂(Chapel of Our Lady of Penha)
聖母個樣好慈祥啊！
上次嚟嘅時候教堂無開放，今次就可以入嚟嗱！
教堂下坡有座聖母岩。
哩到無咩遊客，好寧靜、好舒服呀！
哩到望落去嘅風景都唔錯，上次嚟嘅時候條橋重係起緊咖咋！
望落山就係澳門嘅禮賓府呀！
然後沿住山路行返落山，好快就去到媽閣廟前地，哩到勁多我國同胞呀！旅遊巴都停咗幾十部喺到。我哋無入去參觀呀！一嚟係人太多、其次我哋對啲寺廟嘅地方興趣不太。
對面係海事博物館
哩個儀器係可以觀星座，但我睇極都唔明啊！
媽閣廟前有哩間「船屋餐廳」好出名咖！不過去之前要訂位先得咖，同埋今日係佢哋嘅休息日，所以我哋今次無幫襯啊！
跟住就坐11號巴士過去氹仔食晏。
又嚟到官也街嗱！哩間「莫義記」好多旅遊書都有介紹，不過我哋都無幫襯過呀！
穿過手信街就到達「木偶餐廳」嗱！
之前每次嚟澳門，我都會嚟間餐廳食嘢，不過今次哩個位置我都係第一次嚟。
哩到比起之前舊舖靚好多啊！
睇過好多評語話哩到嘅食物同餐廳職員服務態度比以前差咗好多，但我今次再嚟又唔覺啊！
我每次都點嘅「葡式青菜湯」，依然好好味呀！
燒沙甸魚，yummy！
燒乳豬仔，皮脆肉滑，哩個我第一次食，但一食就愛上佢嗱！
埋單$246，價錢都合理吖！如果下次再嚟，我都會選擇嚟哩到啊！
食完飯個天開始落雨同返風，再加上我哋都已經攰到行唔郁，所以決定搭車返酒店攞埋啲嘢就走嘞！
哩兩日不斷喺議事亭前地行嚟行去，但都無去到大三巴，好似總係差咗啲嘢，所以最後我哋都去咗大三巴作為我哋今次行程嘅終點站啊！
哩間「非凡藥房」本來無咩特別，但因為「非凡哥」所以我就幫佢影返副相呀！佢喺澳門都幾多分店咖！
雖然落緊雨，但哩到都仍然係遊人不絶啊！
.........旅程完畢，多謝收看
兩日一夜澳門行 (15.12.2010) 1/2
瞓吓醒吓情況吓，終於都天光嗱！本來諗住一早落去游早水，但真係好攰，所以都放棄咗啊！
拾好嘢，七點半落餐廳食早餐。
我哋攞咗窗邊位置，望出去有個好靚嘅公園啊！
早餐以自助形式，都幾多選擇。
可以即叫即烚嘅粉、麵。
熱辣辣嘅豆漿，好味呀！
我嘅豐富早餐呀！一碟就飽晒嗱！
食飽飽就沿住酒店旁嘅斜路向上行去東望洋燈塔，途經「東望洋酒店」
行咗成半個鐘先行到上嚟，全程都係斜路，所以都行得幾攰呀！
上到嚟準備上個燈塔到，原來九點先開門，所以喺門口等咗十幾分鐘先可以入去啊！
聖母雪地殿 + 東望洋燈塔
而家澳門真係多咗好多建築物呀！
聖母雪地殿要10:00先開門，我哋無等嗱！影咗一陣相就返酒店check out 嗱！酒店門口哩間建築物幾靚！
由於真係好攰，所以我哋喺酒店附近坐的士過去主教山，$23都OK吖！
.........兩日一夜澳門行 (15.12.2010) 2/2
訂閱：
文章 (Atom)