哩次旅程早起前年已經話會嚟！終於喺今年落實到，由於今次去嘅地方大部份都係啲熱門地方，所以喺搵資料同安排上都冇咩大問題，只須要配合到火車班次就已經OK。
而成個行程除咗有一、兩日落吓雨之外大致上都好順利，真係要多謝天主保佑，B女同大笨蛋都玩得好開心，係我自己可能真係玩得倦得制，一向每日要十點前瞓，一瞓就要瞓九個鐘嘅我，喺哩個星期日日瞓得幾個鐘，重行足一年嘅路，所以最後撐到返嚟就好似條死屍咁嘞！周身唔舒服，我幾驚係H1N1呀！好彩痛痛快快咁瞓返兩日就冇咩嘢嘞！
不過今次哩團真係比較辛苦啊！日日早出晚歸，不停咁行、行、行，我話下次都冇人敢跟我嚟啦！但B女話 - 咩唔敢呀！有得玩咩都得呀！佢幾時變得咁難玩咖???
今次唔係買咗好多嘢，可能啲円貴咗，同埋好多嘢香港而家都可以買到，所以冇咩興趣買啦！
喺富田農場買嘅薰衣草指甲油 ￥788
薰衣草Hand Cream ￥903
薰衣草吸油紙 ￥399 薰衣草線香 ￥473
薰衣草購物袋 ￥735
肚臍祭公仔電話繩 ￥650
肚臍祭公仔磁石貼 ￥500
今次旅程唯一一個Kitty電話繩 ￥472
河童磁石貼 ￥367
