北海道仲夏賞花の旅 (出發啦!)

八天北海道賞花の旅今日開始展開啦！

今次與我同行嘅兩位團友，分別係我媽咪 - B女，同埋我細妹 - 大笨蛋。

其實我同大笨蛋已經喺05年跟團去過賞花咖啦！而B女亦都喺03年冬天去過，但當時跟團根本好多地方都唔係好夠時間，而B女又係一個花痴，上年同佢去瑞士，佢見到啲靚花就開心到不得了, 當時我就應誠今年同佢去富良野睇花花，所以就成咗今次嘅八天北海道賞花の旅嘞！

今次乘搭國泰CX580由香港直航去札幌，但據知哩班機overbooked得好犀利，前兩日當我想 on line check in 時，有關網頁遲遲都唔放出嚟比我辦理手續，後來國泰重經 agent 要求我轉乘另外一班須喺大阪轉機嘅航班，比原先直航會遲大槪四個鐘先到札幌，但會 upgrad 我哋坐 business class 同埋每人賠贘現金 HK$1,000.00。 條件真係好吸引，但由於按行程今晚一到埗已經要好趕咁搭車入去富良野，如果重要轉機，根本就趕唔切，所以啲咁正嘅嘢都係無褔消受啊！

雖然已經辦理好網上登機手續，但為免有咩差池，都係早啲出機場好啲！所以而家就出發啦！(6:00 AM)

今次將會到訪嘅地方

小樽

重有之前冇去過定山溪，希望今次都順順利利同埋最緊要好天啊！