這個旅程萬事俱備,只待四月四日出發嘅京阪賞櫻之旅了,喺噚日喺好唔捨得之下都係決定放棄了。日本櫻花好似同我無緣咁,舊年諗住去就病咗,估唔到今年重大件事。
眼見日本政府面對這次核危機都束手無策,而且從網絡上亦知道好多地方需要物資嘅援助,大家都憂心忡忡跟本無可能有心情再去玩樂,各國政府亦紛紛開始撤僑,咁嘅環境亦無理由再撞個頭埋去。
而且今次旅程唔只我自己一個,帶住媽咪同姨媽,我真係承擔唔起咁大嘅責任啊!而且亦唔想關心自己嘅親朋好友擔心自己,上年自己病了都搞到大家為我憂心,無理由今次只係為咗玩而令人為自己擔心,自己都唔會玩得開心,所以最後都決定攞起電話向agent取消今次嘅行程,雖然真係好唔捨得,但心裡反而舒咗一口氣啊!
Agent 話國泰可以比我保留機位到六月,但只可以轉去日本其他地方而唔可以轉去其他國家,所以我選擇退票,但可以退到幾多重未知,不過就算同我講一毫都不能退回都無謂嗱!最緊要大家都安全啊!
今次日本面對嘅難關真係一個接一個,我希望佢哋可以盡快渡過所有困境,一切唔好嘅事唔好再發生,令佢哋可以重建家園,重新投入正常嘅生活啊!
我相信好快我可以再踏足日本去實踐我嘅賞櫻之旅啊! 日本 - 加油!
2011年3月17日 7:00PM
剛剛收到agent電話,而家只須要每人扣HK$225.00一個人就可以退個package攞返全數啊!都可算是好好彩啊!既然本來都諗住無晒,而家有錢收返就一於攞去捐助啲日本災民啦!
2011年2月6 日
一個新年假期轉眼又過去,聽日又要投入工作。未開始返工已經又期待下一次巳嘅假期嗱!
記得上年做治療期間,身邊親友都不繼鼓勵話:忍耐、努力啲,做完治療好返就可以去日本睇櫻花咖嗱!所以當今日無事嘅時候,櫻花就喺我嘅腦海不斷浮現嘞!
其實哩個都係一個籍口嚟啫!我去過日本多次,但就重未遇上櫻花季節,所以賞櫻一直都係我嘅心願啊!(查實我都有好多心願啊!)
原本計劃去東北一帶,但今次同行有B女媽咪同埋姨媽,我擔心去嘅地方太散,移動太多,佢哋會好辛苦,而且我一直都覺得京都會係一個賞櫻嘅好地方,所以最終落實四月頭去京都、大阪。
由於07年已經到訪過,今次嘅行程都會同當年差唔多,所以安排起上嚟都無太大嘅困難。
1. 機票 + 3 晚 大阪Cross Hotel (包早餐) = HKD6,211.00 (Tax & Fuel) x 4 人
2. 3 晚 京都 アパホテル (京都駅堀川通) (素泊) = ¥5,570 x 3日 x 4人
3. 1 晚 有馬溫泉 奥の坊 (1泊2食) = ¥10,150 x 1日 x 4人
由於重有兩個月先出發,所以都喺到慢慢咁睇緊人哋嘅旅遊經歷同做定一啲支出預算、車程等資料,而家希望啲日元可以回落返啲,令旅費可以減輕返少少啦!
支出預算表
車程資料
想想都開心 ^_^
回覆刪除[版主回覆02/07/2011 19:43:00]係呀! 真係幾開心啊!
有志者,事竟成!Good luck to you!
回覆刪除[版主回覆02/07/2011 19:44:00]! 做嘢我無咁醒呀! 一講到玩就精神晒呀!
祝妳旅途愉快呀Shirley~
回覆刪除[版主回覆02/08/2011 07:24:00]重有兩個月先出發, 等到頸都長呀!
未開始返工已經又期待下一次巳嘅假期 <-- 勁身同感受
回覆刪除[版主回覆02/08/2011 07:27:00]係呀! 我個腦無時無刻都去咗遊埠咖!
btw 你啲漫畫好搞笑啊!
祝妳旅途愉快!
回覆刪除[版主回覆02/08/2011 21:18:00]Thank you!!
好羨慕呀!
回覆刪除[版主回覆02/09/2011 20:10:00]唔使羡慕啊!你抖多排好快就到你咖嗱!
Welcome back!
回覆刪除[版主回覆02/09/2011 20:19:00]Thanks!! 多謝你哋一家人一直以嚟嘅支持啊!係呀!終於回歸嗱!希望日後好似你哋咁可以同大家分享多啲旅遊經歷啊!
Shirley : 絕對令人期待之旅呀 .
回覆刪除玩得開心D , 影多D靚相 .
Bye Bye !
[版主回覆02/10/2011 07:29:00]好呀... 好呀!! 不過重有成兩個月先出發, 真係等到頸都長呀!
回覆刪除哈哈 我返咗嚟啦 , 我希望大家 日日快樂 !
你出PLAN啦, 好開心 . . . 仲做埋報表真系無得頂. . . 真系要搵吓機會跟你團至得
好期待你又寫遊記 . . .
哈哈, 我4月頭可能唔出發, 仲轉緊 . . . . . .
[版主回覆02/10/2011 20:39:00]嘩! 轉眼又返嚟嗱! 我邊敢帶你呀! 你咁pro, 喺你面前都係班門弄斧啊!
4月頭唔出? 咁咪復活節出囉! 到時又有4日假呀! 不過我諗啲機位會好爆呀!
終於提起旅行喼上路了
回覆刪除[版主回覆02/11/2011 20:39:00]係呀! 終於可以上路嗱! 真係好期待呀!
係時候要獎勵吓自己啦!
回覆刪除[版主回覆02/13/2011 08:58:00]! 係呀! 所以好開心、好期待啊!
我都好鍾意日本.
回覆刪除[版主回覆02/19/2011 18:00:00]係呀! 日本真係百去不厭呀! 你快啲好返都可以出發啊!
京都係賞櫻明智之選, 銀閣寺至若王子橋的「哲學之道」吾好錯過, 期待你的網誌.
回覆刪除[版主回覆02/19/2011 18:02:00]銀閣寺同哲學之道之前紅葉季節都去過, 所以今次唔會去哩兩個地方啊! 我諗住改去蹴上鐵路同埋京都府植物園呀! 我睇其他人啲相, 哩兩個地方都好靚啊!
如果我再到京都,一定再行哲學之道,因為上次行得好怪,都唔似網上所見既哲學之道,只見哲學之道嗰牌,
回覆刪除[版主回覆02/19/2011 18:04:00]哲學之道我上次睇紅葉時已經到過, 所以今次唔會去嗱! 我會PLAN去蹴上鐵路同埋京都府植物園, 哩兩個地方都係賞櫻嘅好地方啊!
Shirley, 妳喜歡自己安排行程? 我們病後要多保護自己不要粗勞啊! 找旅行社會較好, 我也是剛完成治療個月了, 也很希望到日本名古屋走走, 你有什麼建議呢?
回覆刪除[版主回覆02/22/2011 19:37:00]係呀! 自己安排行程可以去自己鐘意嘅地方, 就係因為係自己安排, 所以可以衡量自己的能力而自訂行程啊! 而且安排行程亦係自遊行其中一大樂趣, 一路plan一路會覺得好開心啊! 名古屋我跟團時淨係試過路過, 通常去名古屋可以去埋金澤、白川金掌鄉同埋立山黑部, 哩條路線有機會我下次都想咁去呀!
旅途愉快、最緊要上遊記呀!HA HA
回覆刪除[版主回覆03/04/2011 07:41:00]多謝....多謝, 不過重有成個月先出發啊!
去過日本多次,但就重未遇上櫻花季節==> Me 2 hahahaha but i think我應該冇你去得咁多
回覆刪除wah 自由行都唔平喎...hmm...玩得開心dhahaha
[版主回覆03/04/2011 07:46:00]係呀! 自由行基本上係貴過跟團咖! 再加上而家啲Yen咁貴, 真係雪上加霜呀! 不過無計啦! 鬼叫自己爛玩咩! 一於豁出去啦!
我本來都想 4月去名古屋 不過都係技術性問題 可能要遲d先去 , 不過吾緊要睇住你同man wai d遊記頂住先啦~~~~哈哈
回覆刪除[版主回覆03/16/2011 07:45:00]噚日決定咗取消行程了~
取消都係好事 , 因為個邊而都忙緊救災 , 同埋又節電 , 加上輻射問題都係遲d先去啦 , 等佢安全d時 , 先在去玩餐勁既
回覆刪除[版主回覆03/17/2011 07:34:00]而家寄望日本可以快啲解決到核危機問題, 早日渡過難關回復正常, 咁我又再盡情咁去玩啊!
就算無核危機問題, 佢地國家依家個個都為家國傷心, 我地就去玩好似有點那個, 玩都玩得唔開心. 到時就算退唔到錢就當損左比日本救災囉.
回覆刪除[版主回覆03/17/2011 19:24:00]我都係咁諗, 而且啱啱收到agent電話, 佢話可以全數攞返, 只須扣HK$225x4=HK$900 手續費。所以我都諗住自己嗰份攞返就攞去損比佢哋啊! 希望天主保佑佢哋可以早日渡過哩個難關啦!
『 (查實我都有好多心願啊!) 』妳呢句話都幾得意。0甘就完成妳其它心願先啦,來日方長嘛!
回覆刪除[版主回覆03/17/2011 19:26:00]係呀! 我好多心願咖! 學似你咁坐遊輪都係其中一項呀!
日本 - 加油!
回覆刪除[版主回覆03/17/2011 19:27:00]加油....加油! 等佢一切回復, 我一定會去支持佢啊!
向既定目標出發,一定成功!
回覆刪除[版主回覆03/19/2011 08:33:00]Yes, Sir !!
Shirley : 好呀 ~ 我都擔心你好耐 , 因為若然夾硬去既話 , 實在太過危險 , 所謂 : 留得青山在 , 那怕冇柴燒 , 人地國難當前 , 心情難免恍忽 , 所個時候仲去當地玩 , 未免有點那過 .... 所以我非常之贊成你既決定 , 仲可以番D錢 (蝕D手續費) 實在可喜可賀 .
回覆刪除Bye Bye !
P.S. : 希望佢地盡快服完 , 唔好再有乜野 ......
[版主回覆03/19/2011 08:31:00]其實而家哩個環境真係唔會有心機去囉! 無論自身安危或當地情況都唔係一個適合嘅時候,雖然我喺討論區有好多身在京、阪、神嘅自遊行都話嗰到好安全,咩事都無,甚至有啲民宿老闆(台灣人)發e-mail叫人唔好因為擔心而放棄行程,佢哋一切如常。 但我就過唔到自己個關囉! 去玩啫! 遲啲等佢哋搞掂晒先再去過,玩得痛痛快快先係我去旅行嘅目的啊! 真的希望佢哋可以控制到核危機,早日重建家園,我目標係出年四月可以再實踐我哩個櫻花之旅,亦都希望你出年可以繼續你嘅北海道啊!
既然本來都諗住無晒,而家有錢收返就一於攞去捐助啲日本災民啦!
回覆刪除聴到、真開心、0尼D 先係「真正」香港人会做0既野
[版主回覆03/20/2011 17:54:00]而家除咗捐錢同為災民祈禱, 都無咩嘢可以做到啊! 經今次地震事件, 香港人嘅質數相信喺其他國家眼中真係......唉!! 真羞家呀!
我都計劃去秋田架,而家冇得去lu
回覆刪除[版主回覆03/20/2011 17:49:00]我諗東北一帶要復完嘅時間會比較長一啲啊! 我本來都諗住出年會去咖! 希望核危機可以早日解除嗱! 同埋災區亦可以早日重建啦!
日本發生咁大災難,就算去到安全,都無心機玩啦! 所以我都贊成你的決定。櫻花明天又會再開(其實年年都會開),之後再計劃過吧!
回覆刪除[版主回覆03/20/2011 18:01:00]我都係咁諗, 其實我知京都、大阪係無咩影響, 亦有好多民宿同旅館主動發e-mail叫旅客唔使擔心, 佢哋無停電, 無缺水、缺量, 所有嘢都正常, 放心繼續旅程。 但人哋面對緊國難, 我去玩好似真係有點兒過唔去, 個心好唔舒服, 遲啲等佢哋一切回復正常再去玩好開心啲啊!
日本加油吧....
回覆刪除[版主回覆03/30/2011 19:19:00]Yeah...加油...加油!!
我都同你一樣, 3月尾決定取消咗5月日本之旅~~
回覆刪除