十月中嘅時候，一口氣放咗十六日假，本想出外走走，但由於家中有啲事要去處理，所以行唔開。 不過又唔想嘥咗十幾日假，所以搵咗幾日喺香港某啲地方走走。
其中一日去咗三門仔釣魚，之前嚟過哩到玩，好鐘意大海嘅感覺啊！
入到嚟哩到感覺環境真係好舒服啊！
當日所見，好多人都攞住相機嚟哩頭影相，當時我哋喺碼頭等魚排嘅排主開艇嚟接我哋，啲影相發燒友重想跟我哋一齊上船，以為我哋去啲離島玩呀！
另一日就去咗馬灣，因為好耐以前睇咗套「最美麗的第七天」，覺得哩到好靚，成日都想嚟行吓啊！但嚟到原來係兩回事呢！
一上碼頭就係一條林蔭大路，好舒服啊！
一上碼頭就係一條林蔭大路，好舒服啊！
行咗陣就嚟到馬灣沙灘，當時真係想跳落水游返兩轉啊！
哩個景就係我成日喺人哋嘅相到睇到，自己嚟到又好似唔係太特別啊！ 而且如果講沙灘嘅環境，我都係比較喜歡我去開嘅銀線灣同埋清水灣多啲。
兩條橋，究竟邊條先係青馬大橋呀？
嘿, 你就輕鬆完. . 我就仲切緊. . . 嘿, T_T
回覆刪除[小肥回覆11/12/2011 09:50:45]哈哈, 你睇番我早一編啦. . . 忙到甩碌 . . .T_T, 十二月如果系月中前, 可以$6000蚊兩個人去東京玩5日夜噃 . . .平D可以去台中玩"那些年" 導賞團呀. . . 都OK平呀 . . . .^O^
[版主回覆11/12/2011 09:23:24]切緊 ??... 切緊咩呀? 你個blog ?! 哈...哈!! 如果係我等得啊!
話時話, 我十二月又可以放九日假, 但由於銀根短缺, 出外不成啊!
U are right. The new platform is not user friendly.
回覆刪除[版主回覆11/14/2011 07:29:33]所以搞到我都少用咗個blog啊!
原來 "香港" 可以咁靚 . (驚嘆中.........)
回覆刪除[版主回覆11/16/2011 20:47:41]係呀! 其實香港有好多地方好靚, 不過成日都的唔起心肝去行吓囉!
好靚呀d相!! (直線三角形果條叫汲水門大橋; 青馬大橋係有弧度果條) 另外, 請問妳d相簽名果度點整架?
回覆刪除[版主回覆11/17/2011 20:28:00]多謝..多謝!! 哦! 汲水門大橋聽過嗱! 原來就係嗰條, 我好鐘意哩幾條橋咖! 因為每次要經過哩幾條橋就即係話我又可以去旅行嘞!
個簽名其實唔難搞, 首先用一啲粗嘅筆簽咗個名, scan咗去photoshop, 跟住就利用「光影魔術手」嘅軟件 (可以喺哩條 URL link下載: http://neoimaging.beareyes.com.cn/tw/index1.htm), 裡面有個function叫浮水印, 只要將photoshop save咗個file加落去, 咁啲相就可以好似揼印仔咁揼返個簽名上去啊!