Day 1.1 @ 高雄

2013年9月20日 ~ 2013年9月23日

公司每年都會搞一次大旅行，適逢今年中秋節可以連到三日假期，所以今次可以行程可以坐飛機，如果就唔到假期就只可以選擇星期六、日返大陸。所以今次五月中一出通告落實地點係墾丁三天遊，員工$2,800一位全包，我二話不說就報名抽籤， 最後抽唔中但以後補身份參加。




































Day 1 : 2013年9月20日

終於等到出發日期，但人人都話強颱風天兔會正面吹襲台灣，其實都有少少擔心，不過既然交晒錢報晒名，而且有公司安排所有嘢，我都唔諗咁多一於咩都唔理去玩三日啦！

與我同行嘅仍然係我細妹大笨蛋。我哋兩個今次都係第一次大時大節出發，無論坐機場巴士或離境大堂都人山人海。

由於出發總人數係160人(員工+家屬)，要分四間旅遊車，而我哋公司習慣如要坐飛機出發的話，一定要分兩班機，而我哋就被編去第二班機出發，所以我哋當日早上8:20要到達機場。

 到達點名後，寄好行李，同事們各自辦理出境手續。

喺等上機嘅時候竟然比我見到長榮嘅Kitty飛機降落呀！


















當然係唔放過機會同佢影返張靚相啦！

今次我哋坐嘅機係非常之細嘅機，我行入機倉時已經見到機頭嘅機師。

機程只係一個鐘多啲，所以轉眼就已經到咗高雄啦！

高雄機場好細，入境大堂一眼見晒！

離開高雄機場，旅遊巴就直駒往墾丁，中途停底食個飯。

哩間餐廳啲豬腳好出名，好多人喺門口排隊買呀！

















可能之前嘅飛機餐食飽咗，哩餐飯除咗覺得啲豬腳好食之外，其他都麻麻哋呀！

....續 1.2@三天變四天高雄、墾丁追風遊