Day 3.1 白濱往和歌山

2014年5月20日 晴天/雨天
09:50~10:10 | [白浜温泉無料シャトルバス] 南浜千鳥の湯 海舟 → 白浜駅
10:28~11:48 | [特急]くろしお14号 白浜 → 和歌山
12:06~12:16 | [和歌山市内バス] 新內→ 公園前
15:30~15:40 | [和歌山市内バス] 公園前 → 新內
(交通收費及詳細資料請往交通篇)
酒店：天然温泉 紀州の湯 ドーミーインＰＲＥＭＩＵＭ和歌山

一覺醒來，老規矩先浸溫泉再食早餐。

表妹留喺房內將啲柑皮放水浸返個香噴噴嘅溫泉浴呀！

大家浸夠去食早餐啦！

如果兩個人可以坐哩啲一格一格

或者對住大海食早餐

但由於我哋人多，所以被安排喺一間無窗嘅大房裡面食早餐，感覺有點焗促。

早餐係一set set，不過餐廳內有個小小嘅區域放咗少少嘅食物同飲品，我喺網上睇過個早餐好豐盛，所以我只係攞咗杯咖啡同鮮奶就夠啦！

攞完飲品再返入房，早餐已經擺好啦！嘩! 已經有心理準備好多嘢食，但親眼見到都重係嚇一跳。

咁多點食呀！

哩三粒嘢係裝飾，我唔啱食。

三個麵包，平時喺香港我早餐只係食到一個包咋！

一早飲羅送湯??!!

燒牛肉薯仔沙律，好好味啊！

再嚟炸魚扒、腸仔同一片 Pizza，一樣好好味！

最後竟然個個都清晒六分早餐，真係出嚟玩，心情開放，連帶食慾都大增啊！

食飽飽就喺酒店內略為逛逛就返上房拾齊嘢走啦！

由於海舟酒店係要落一條斜斜又窄嘅小路，大旅遊巴士落唔到去，所以我哋要返出大路等巴士。

就喺哩個標誌下面等

巴士準時到達，由於酒店位置差不多喺尾駅，而且朝早只有一班免費穿越巴士，所以巴士上九成坐滿。

上車前司機幫我哋對名點人數後就可以上車嘞！

幾個字就去到白浜車駅。嚟嘅時候沖沖忙忙，無同個車駅留照，而家補返先。

車駅旁有一啲存物櫃

大件行李都放得落，不過數量唔多。

差唔多時候就入閘，因為pass係坐自由席，所以排定隊等上車。

月台有幾種頻色嘅標貼喺地上，係分車嘅型號，但我都唔係好明排邊個先啱。

車嚟啦！

都係車廂內無放行李嘅位置。

好彩我哋可以坐到最尾幾行，咁就有位擺行李啊！

哩班列車指定席車廂有熊貓坐位，緊係唔拾輸去八卦吓先！

原來就係咁樣得四個位係熊貓，好似無咩特別喎！車廂亦無咩特別佈置，唔似北海道啲主題列車咁可愛啊！

.....續  3.2@和歌山城