07:10 ~ 07:50 | 路線バス | 信濃大町 → 扇沢
08:00 ~ 08:16 | 関電トンネルトロリーバス | 扇沢 → 黒部ダム
09:30 ~ 09:35 | 黒部ケーブルカー | 黒部湖 → 黒部平
10:10 ~10:17 | 立山ロープウェイ | 黒部平 → 大観峰
10:45 ~10:55 | 山トンネルトロリーバス | 大観峰 →室堂
(交通收費及詳細資料請往交通篇)
酒店：ホテル立山 (Hotel Tateyama)
一起身又係老規矩，先去浸浴再食早餐，由於要坐7:10開出嘅巴士，所以六點九大家都已經收拾好所有行裝準備出發。離開旅館後就行去信濃大町JR駅出面嘅巴士駅。
哩日天山下天氣非常好啊！
信濃大町JR駅出面嘅巴士駅等上車，因為我哋已經喺第一日買咗套票，所以只需上車時將套票展示比司機睇就可以。
上到車駅閘口排隊，雖然我哋都已經好早，但車駅內依然人頭湧湧，好多旅遊團，分別在今次全部都係日本團，比起前年嘅台灣團，遊客有禮貌好多，亦唔會爭先擁後，人雖然多但好有秩序。
順利上咗無軌電車，二十分鐘後就到達黑部湖。
試過上次行錯路經驗，今次唔再打衝鋒，落車後先到儲物櫃放底隨身行李，因為我哋要行二百多級樓梯去黑部湖展望台，為免身體太浸重，所以利用300円換取短時間嘅輕鬆。
放好行李後就開台踏上哩條漫長嘅樓梯。不過今次感覺無上次咁漫長，好快就到咗展望台。
中途可以有冰凍泉水幫助解喝、降溫。
哩日展望台超大風，一心諗住喺到影返張合影，但大風吹到大家都好似個瘋婦咁！
之前喺網上睇到資料，我哋到埗時水霸閘口應該係關閉咗！但當日見到水霸閘口仍有水放出，上次嚟嘅時候湖面結冰所以水霸閘口都係無開咖！
雖然溫度唔算太低，都有十度，但因為太大風，吹到個人彊硬晒，兩位靚太已經一早入咗去餐廳休息及取暖，我同大笨蛋就死頂都要四周圍影飽先肯走。
咁樣都搞咗成個鐘先返落去地下繼續行程。
攞返行李後就沿住水霸行去黑部湖駅 。
坐纜車前先去票務處兌換乘車劵。
當上車經過閘口時，職員會每一派發一個咭號，哩個咭就係用嚟一陣分配坐吊車嘅時間。
哩個人潮分配方法幾好，以前未行哩個方法時，旅遊旺季時啲旅行團往往要全團人集齊喺駅旁等兩、三小時咖！
依然都係咁人山人海....
回覆刪除人山人海at any time
刪除