07:33 ~ 08:10 | 岡電バス 91号 | 岡山駅 → 新岡山港
08:30 ~ 09:40 | フェリー| 新岡山港 → 土庄港
10:10 ~ 10:51 | バス 田ノ浦映画村線 | 土庄港 → 草壁港
11:00 ~ 11:14 | バス神懸線 | 草壁港 → 紅雲亭
11:24 ~ 11:29 | コインロッカー | 紅雲亭 → 寒霞溪
12:54 ~ 13:01 | コインロッカー | 寒霞溪 → 紅雲亭
13:10 ~ 13:24 | バス神懸線 | 紅雲亭 → 草壁港
13:36 ~ 13:40 | バス坂手線・南回り福田線(上り)| 草壁港 →オリーブ公園口
16:32 ~ 16:58 | バス 田ノ浦映画村線 | サ ン・オ リ ー ブ→ 国際ホテル(エンジェルロード前)
(交通收費及詳細資料請往實際交通篇)
酒店:小豆島国際ホテル (Shodoshima International Hotel)
因為想趕坐朝早7:30開出嘅巴士,所以七點已經執好行李到酒店大堂Check Out及將大件行李托運往後日高松酒店,三個廿六吋喼合共4,530円。
Lo已經喺酒店大堂等待我哋,果然係早起嘅團友啊!
巴士駅就喺酒店旁JR車駅前面,非常方便。確認好上車位置就排隊等待。
巴士準時7:30駛入車站。
八個字車程後就到咗新岡山港,巴士到站配合船嘅開出時間,十多分鐘後就可以上船。
船上九成乘客都係日本人,雖然人有少少多,但人人都好安靜,好守規矩,好鐘意哩種氣氛呀!
上船後四周圍走走,天氣有啲陰陰天,但唔算大風,所以上到舺板都唔覺太涼,參觀完畢後就安安靜靜咁睇吓風景、傾吓計就到岸啦!
上岸後第一年事先去觀光案內所買張巴士一日劵,1000円可喺小豆島任坐巴士一天 (交通詳情可往交通篇) ,買好巴士劵就到碼頭售票處確認一下明日開回新岡山港嘅船班次,我上網查閱嘅時候發覺有兩個唔同版本,因為Lo假期完結,明日唔會跟我哋去高松而自己坐船返新岡山港再由出岡山機場返香港,所以船嘅班次不能有失啊!
確認完便前往觀光案內所前嘅巴士站等前往草壁港嘅巴士,巴士開出時間往往與船到達時間配合,所以不用等太耐就有巴士開出,但一旦錯過了巴士,就需要花上一小時了。
由於當日是星期天,到島上遊玩嘅人都比較多,半小時後到達草壁港再轉另一巴士前往寒霞溪。
如在紅葉季節到寒霞溪的話,滿山紅葉情景相信會非常靚,現在雖沒有紅葉可觀賞,但寒霞溪山峽嘅亦非常壯觀。
到達咗山頂後,繞咗一圈,山上只有一間土產店及小食店,如趕時間絶對十五分鐘可以回程,不過我哋慢條斯理慢慢享受一吓寧靜嘅環境。
發現原來哩到嘅洗手間好靚咖!裡面擺放咗好多好靚嘅盆栽,B女係一個花痴,佢緊係唔會錯過哩個咁靚嘅地方啦!
喺山上逗留到與山下巴士開出時間脗合嘅時候離開。前往下一站- 橄欖公園。都要要先到草壁港再轉車,即頭先上早嘅對面。
呢個廁所無得頂!
回覆刪除哈…哈!哩面重有好舒服嘅櫈可以坐底慢慢欣賞添呀!
刪除