而家咩都唔想，淨係想放大假去旅行。由於真係好攰，提唔起勁去搵資料，同埋到時都唔想用個腦諗嘢，估計今次會跟團，但未落實去邊好。暫時有幾個選擇都好似幾吸引啊！
1. 吉隆坡、浮羅交怡
哩個地方幾年前去過，幾鐘意浮羅交怡嘅環境，所以都好想再哩個地方，同埋可以好relax咁喺酒店hea吓！
2. 沙巴
其實啲活動同浮羅交怡差唔多，不過價錢就平少少囉！
3. 曼谷、七岩、華欣
我啱啱做嘢時儲到錢第一次出國旅行就係泰國，但當年去完之後嘅印象都係麻麻哋，所以咁多年都無再去過，今次見到哩個團嘅價錢比上面兩個平好多，而且重係豪華團添，都係陽光海灘好似幾吸引啊！
大家話去邊到好呢？
最後假期都係唔批，以上嘅諗頭全部要擱置，到十月中先可以放假呀！
適當時候要讓自己休息下架 !!
回覆刪除[版主回覆05/25/2011 19:47:00]我都好想啊! 不過老細唔批個假呀! 而家要等到十月中先可以放啊!
去這些地方有沒有分季節性呀，不過差不多都是夏天。計劃吓，好呀，去旅行又可义電，有時工作太忙碌，出外走走，relax 吓，回來再做都醒神啲！
回覆刪除[版主回覆05/25/2011 19:53:00]無啦! 假期泡湯啦! 而家要到十月中先可以放呀! 唉! 當堂無嘢心機呀! 星期六再詳談嗱!
死仕既我 都係重要去日本 哈哈 同埋而家機票好鬼抵丫 ~~~~諗諗佢尼 嘰~~~
回覆刪除[版主回覆05/25/2011 19:55:00]我直情想即刻飛過去呀! 而家香港快運去東京機票都係千幾蚊咋! ANA去北海道三千幾重包兩晚札幌酒店真係好吸引呀! 但最後我個假唔批, 而家邊到都唔使去啊! 無奈!!
Shirley : 好 ~ 休息 , 叉電 , 人都襟玩D架 .
回覆刪除Bye Bye !
[版主回覆05/25/2011 19:57:00]Bad news, 個假唔批, 要延至十月中先可以放啊! 當堂成個人謝晒!
可以嘅 . . . 放假啦 , 一系就邊度都唔去 . . . 真系比自己放假, 連個腦都放埋, 入長州, 上寶蓮寺住幾日 如果想外遊. . . 有無伴? 我就當然選擇日本, 關東唔敢就關西, 最多去沖繩晒隻燒豬番嚟 . . . 比面嘅, 上北海道幫我影多兩張相 . . . 我好掛住佢 不過, 唔一定要跟團呀, 比人當鴨仔都唔會玩得開心 . . . 比自己hea吓啦
回覆刪除[版主回覆05/25/2011 20:01:00]家陣邊到都唔使去繼續返工, 因為個假唔批, 所以真係咩都唔使諗呀!
我會選擇沙巴haha....
回覆刪除[版主回覆05/25/2011 20:03:00]多謝你嘅意見啊! 不過而家十月中先可以放假, 唯有將旅程再閣置, 遲吓先再諗過啦!
Yes, confirm the vacations first : )
回覆刪除[版主回覆05/25/2011 20:04:00]唉! CC, 要十月中先比放假, 而家真係邊到都唔使去啊! 無晒心機嗱!
如果攰到咁的話，去邊度都可以啦，最緊要係有得放假！
回覆刪除唔，若果未去過沙巴，不如就揀佢啦。
[版主回覆05/25/2011 20:08:00]你講得啱, 只要有假放就去邊到可以啊! 但可惜短期內都唔可以放假住, 所以沙巴要遲啲先可以諗嗱!
唔緊要，十月中真係好快到，而且是今年嘅事，而plan 吓plan 吓也到啦，我覺得時間像飛一般快，同時十月也是不錯時間，秋涼都好舒服！
回覆刪除嘿, 10月中的話睇紅葉 . . . 上立山啦. . . 我10月頭 上
回覆刪除Shirley : 真係一個令人心痛既消息 .
回覆刪除算啦 ~ 依家再籌備 , 十月玩鋪勁金既 .
Bye Bye !
同你一樣, 我都好想放假去旅行, 但最近工作上實在太忙, 好想好想好想去北海道呀~~~
回覆刪除[版主回覆06/14/2011 07:27:00]北海道係我至愛, 我都好想去啊! 而家去唔到唯有睇住TVB個北海道節目頂住引先啦!
去住短線先，2日1夜都好呀!記住要Work life balance，小心身體!
回覆刪除[版主回覆06/30/2011 21:15:00]! 你真係好知我心意呀! 經我死纒之後, 老細終於批咗下星期兩日假比我, 咁加埋星期六、日可以放四日, 但由於放得咁趕, 所以plan唔切, 而家報咗團去沖繩四日呀! 噚日重開咗茶會添呀! 真係好開心呀! 因為真係做得好攰, 雖然今次旅程短短哋, 但真係好期待呀! 好多謝你嘅關心啊!