之前講因為工作太攰，想休息去吓旅行充電，點知大假唔批最後旅程泡湯。 但經我死心不息嘅努力下，(做嘢無咁叻呀！) 終於比我Nur到兩日假，諗住去澳門Hea吓都好，但自己又真係好想去啲坐吓飛機旅行喎！ 將哩兩日連埋星期六、日就可以去個短短啲嘅trip啦！但因為時間太緊迫再加上唔多想用腦，於是今次就選擇跟團嘞！
去邊呢？睇嚟睇去，都係日本最吸引，但京都同北海道一定要留返我自己去同去耐啲先會選擇，最後就選咗沖繩，出發時間同我嗰幾日假吻合，又已成團，所以諗都唔諗就報名交錢。
哈...哈！而家就等出發啊！重有幾日咋！真係好開心啊！
Okinawa，等我呀！
2011年7月7日 10:00 AM 出發嗱! 四日後見!
多謝你來訪，我地都鍾意kitty、都鍾意旅行，好好享受沖繩之旅，相中景點你都會有機會去到，知道你既病況，十卜你呀
回覆刪除[版主回覆07/01/2011 12:34:00]多謝晒你嘅十卜呀! 我雖然今次跟團, 但都鐘意四周圍八吓有啲咩地方玩, 有咩好嘢食, 你個blog介紹得好詳細啊! 令我好似已經去咗沖繩一轉咁呀!
我已去了沖繩 , 可來看看相片啊 ......
回覆刪除[版主回覆07/04/2011 07:16:00]我睇咗嗱! 真係好正啊! 所以而家好期待呀! 等我去完返嚟你再過嚟睇相吖!
Shirley : Yeah ~ 恭喜晒 !!
回覆刪除"沖繩" ~ 正喎 , 玩得開心D呀 , 好羨慕既呢 ~
Bye Bye !
[版主回覆07/04/2011 07:18:00]多謝....多謝!! 得四日, 粗粗哋玩住先囉! 講真雖然得四日, 但有得放假, 重可以飛一飛, 真係好開心啊!
我都o岩o岩玩完返o黎~ 去o左離島所以好好玩~
回覆刪除[版主回覆07/04/2011 07:19:00]我有睇到你個blog呀, 你哋個行程真係好正呀! 不過我只係跟團, 你哋啲地方我唔會去到啊! 不過我今次都係諗住休息吓, relax吓, 所以都無咩所謂啦!
(Empty)
回覆刪除[版主回覆07/04/2011 07:22:00]好耐無見嗱! 睇到你前排發生嘅事, 希望你已經忘記唔開心嘅事嗱! 好好養好身體, 我相信主一定會有佢嘅安排, 好快又會為你帶來好消息咖!
正啊,有得去旅行!
回覆刪除[版主回覆07/04/2011 07:22:00]係呀! 我真係幾期待啊! 近排你點呀?
. . .嘿, 跟團有跟團玩法 等你 . . .
回覆刪除[版主回覆07/04/2011 07:24:00]我都係咁諗, 今次一於留底個腦嗰香港, 盡情去hea!! ....不過我好似一向都無咩腦喎!
....我很喜歡睇水族館
回覆刪除[版主回覆07/04/2011 07:24:00]我都好鐘意啊! 所以真係好期等呀!
陽光海灘正呀 ~~~~~~~~~(比堅尼妹妹重正 嘰~~ )
回覆刪除玩得開心D啦~~~上次朋友去沖繩 買左D 波羅仔番黎 種 都幾得意咖~~~等你返來個遊記尼
玩完未啊? 想睇相haha
回覆刪除[版主回覆07/13/2011 22:24:00]玩完返嚟好耐嗱! 不過晚晚都好晏收工, 所以未得閒寫blog, 一陣up住少少上嚟先嗱!
話去就去, 爽~~~~
回覆刪除[版主回覆07/26/2011 20:13:00]都唔係話去就去咖! 都要度吓期假, 不過就真係幾爽啊!
近月阿虎偷懶，沒有通知小子網友有新料出，抵打！
回覆刪除呢個觀景香港海洋公園肯定冇，仲話搬了家大了一倍，使人失望！
[版主回覆08/28/2011 13:03:00]一打開e-mail, 十幾個回應, 原來係小子嘅捧場, 真係多謝晒! 可能近排yahoo掛住搞啲upgrade版, 所以搞到啲嘢甩甩流流啊! 香港嘅海洋公園我重未去見試呀! 淨係喺小子個blog欣賞過, 有機會都要去睇吓啊! 不過淨係睇相, 我都係鐘意以前嗰個啊!