♡♡ 我的遊記♡♡: 6月 2013

2013' 中部‧北陸八天行

(點一下項目便可以入到有關文章)

行程計劃
中部‧北陸(預計行程 1~2日)
中部‧北陸(預計行程 3~6日)
中部‧北陸(預計行程 7~8日)

交通乘車劵

行程 (點一下下面嘅項目便可以入到有關文章)
Day1 @名古屋、松本
Day2.1 @ 松本城
Day2.2 @ 信濃大町
Day2.3 @ 扇沢、黑部水庫
Day2.4 @ 黑部平、大觀峰
Day 2.5@ 室堂 - 雪の大谷
Day 2.6 @ 室堂 - 雪の迴廊
Day 3.1 @ 室堂、美女平
Day 3.2 @ 美女平、立山、富山、砺波
Day 3.3 @ 砺波鬱金香公園 Part 1
Day 3.4 @ 砺波鬱金香公園 Part 2
Day 3.5 @ 砺波
Day 4.1 @ 砺波、白川鄉
Day 4.2 @ 白川鄉 Part 1
Day 4.3 @ 白川鄉 Part 2
Day 4.4 @ 高山市
Day 4.5 @ 山武商店
Day 5.1 @ 平湯溫泉、上高地
Day 5.2 @ 平湯溫泉
Day 6.1@ 平湯溫泉、新穂高
Day 6.2 @ 新穂高 (Part 1)
Day 6.3@ 新穂高 (Part 2)
Day 6.4@ 新穂高、高山、名古屋
Day 7.1 @ 犬山城 Part 1
Day 7.2 @ 犬山城 Part 2
Day 7.3 @ 犬山城 Part 3
Day 7.4 @ なばなの里(長島名花之里) Part 1
Day 7.5 @ なばなの里(長島名花之里) Part 2
Day 8 @ 名古屋
中部‧北陸八天行‧後記

酒店 (點一下下面嘅項目便可以入到有關文章)
Day 1：リッチモンドホテル松本 (Richmond Hotel Matsumoto)
Day 2：ホテル立山 (Hotel Tateyama)
Day 3：アパホテル＜砺波駅前＞
Day 4：スパホテルアルピナ飛騨高山 (SPA Hotel Alpina Hida Takayama)
Day 5：平湯館生粋源泉放流の宿
Day 6 ~ 7：名鉄グランドホテル

Day 8：---

八天中部北陸之行，無驚無險下順利完成。出發前一直好擔心交通嘅問題，好彩所有行程都係我預計內，並無任何大問題出現。全個行程只有一次行錯路。事源係喺黑部水庫落咗車之後應該先上咗展望台後再前往黑部平車駅，但當時有幾團台灣團同車，落車後一心諗住要行得快過佢哋，就係咁一心急就錯過咗展望台嘅入口，搞到行咗落水壩再要行返轉頭，真激氣！

提外話，哩次行程遇到好多台灣團，佢哋啲行為真係令我對佢哋有一點反感，唔排隊、打尖、霸住一個影相位成團人影晒為止，重要影極都影唔完，去到超市遇到士多啤利減價，一口氣買晒人哋十幾箱貨，喺溫泉更衣室唔抺乾身就四周圍走，搞到啲地方濕晒又唔處理返。人哋唔識分香港人、台灣人、大陸人，只係知中國人，咁搞法遲早去到邊都神憎鬼厭呀！

好！言歸正傳，哩八日行程已經玩到我筋疲力盡，但地方相當靚，經過今次行程後，我真係好鐘意哩個區域嘅地方，八日裡面經歷晒春、夏、秋、冬，到埗當晚得四度，第四日二十幾度，第五日同第六日竟然零下幾度。

由於影咗真係好多相，遊記需要一啲時間，所以放住幾張相上嚟先啦！

Day 1 @ 松本JR駅

Day 2 @ 松本城

Day 2 @ 黑部湖

Day 2 @ 大觀峰

Day 2 @ 室堂 - 雪之大谷

Day 2 @ 室堂

Day 3 @ 砺波鬱金香公園

Day 4 @ 白川鄉

Day 4 @ 高山市

Day 5@ 上高地 - 大正池

Day 5 @ 上高地

Day 5 @ 平湯溫泉

Day 6 @ 平湯溫泉館

Day 6 @ 新穗高

Day 7 @ 名古屋犬山城

Day 7 @ 名古屋長島名花之里

.

Day 8 @ 名古屋

成個行程只係安排咗一餐食好嘢 - 飛驒牛 @ 山武商店 (638g A5飛驒牛+冬菇+任食疏菜&飲品&甜品) 三個人共11,182円。

我的足跡

2013/04/22 ~ 2013/04/29 八日嘅中部北陸之旅完滿結束，哩個行程喺源自多年前睇到一幅立山雪之大谷嘅相，我就對哩個地方好感興趣，但睇過中部交通資料就覺得好頭痛，實在太混亂，無從入手，所以一直都淨係喺諗嘅階段。

直到今年年頭要計劃四月尾嘅行程，上網搵資料時，哩個時間，立山開山、上高地開山、砺波有鬱金香展，好似就係為咗夾啱我嘅時間咁，真係唔去唔得啊！用咗兩星期不斷咁睇資料，計劃到我自己認為天衣無縫嘅路線，多年嘅心願終於可以實現到啊！

雖然今次旅程喺上高地同埋新穂高遇到大大雪，令到原本嘅行程同想睇嘅風景都泡湯，但又因為哩場大大雪比我哋享受到落住大雪浸溫泉嘅滋味，零下七度瞓喺軟棉棉嘅雪上面喺感覺，飄雪下漫步兩小時，真係印象難忘。

今次嘅旅程更令我對中部念念不忘，而家希望明年秋天可以再一次到訪，紅葉下嘅立山、上高地應該會有另一番景像啊！
中部北陸後會有期。
今次旅程比舊年啲円平咗好多，但買哩嘅興趣反而無咁大，比起之前我去旅行買嘢嘅作風，今次真係買少咗好多。
就只有哩幾樣。

手信都唔多，我自己都覺得意外係喺立山我只係買咗一罐啤酒同一盒朱古力，因為去之前我重話要買哩樣、買嗰樣添呀！

今次使費交通同住宿佔咗好大部份，比起北海道重要貴啊！

Day 8 @ 名古屋

2013年4月29日天晴
13:31~14:06 | 中部国際空港[名鉄]空港線常滑方向(下り) | 名鉄名古屋 → 中部国際空港16:20~19:25 | CX539|名古屋中部国際空港 → 香港

(交通收費及詳細資料請往交通篇)

終於到咗行程最後一日啦！日日都忙到早出晚歸，其實我哋都無真正喺名古屋行過，原本計劃坐地鉄去「榮」行吓街，但前兩日都因為太攰都未去附近藥房入貨，所以哩朝早都係留返喺名古屋買埋最後要買嘅嘢。

目標係千里馬藥房，因網上都話佢貨品價錢比其他孳房平，事實真係比較平，起碼我要買嘅嘢都係佢最平。

我哋9:30 check out，係咁多日以嚟最晏嘅一日，將行李交比喺酒店保管後就向JR名古屋方向行。

哩幾日喺名古屋都只係喺名鉄百貨哩座大廈上上落落，好少行出地面呀！哩位名古屋Nana小姐緊係要同佢影返張相啦！哩期佢著咗套運動衫喎！