Day 7.2 @ 犬山城 Part 2

2013年4月28日 天晴
07:58~08:32 | 名鉄犬山線鵜沼方面 | 名鉄名古屋 → 犬山遊園
12:07~12:32 | 名鉄犬山線名古屋方面|尤山→ 名鉄名古屋
14:00~14:31 | 名鉄高速巴士 |名鉄巴士中心→ なばなの里(名花之里)18:15~18:46 | 名鉄高速巴士 |なばなの里(名花之里)→ 名鉄巴士中心

(交通收費及詳細資料請往交通篇)酒店：名鉄グランドホテル

上埋最後一條斜路就到咗犬山城嘅入口。去售票處買飛先，每人500円。

售票處旁有個置物櫃，不過數量只有四個。

  

入到場內，雖然係星期日，但可能時間尚早，所以都唔算太多人。

尤山城係日本三大古城之一，由於明治時代實行廢藩置縣的關係，犬山城因而被廢除了行政地位，但城堡並沒被拆除。到了1891年時，犬山城由於受到濃尾地震的影響，櫓、城門以及天守的部份等都遭到損壞。1895年當時政府以不作出金錢上的補助來修復犬山城為條件，將城堡還回最後一代的藩主成瀨正肥執行重建。
犬山城在1961年開始進行大幅度重建，由於犬山城受到了一連串天災的影響，需要修復的部份很多，所以這個重建工程一直到1964年才完成。
犬山城曾經是日本唯一由個人管理的城堡（亦是日本最後一座），自2004年4月起交由財團法人「犬山城白帝文庫」管理。

犬山城的天守是在日本戰國時代所留存下來的，於1935年根據當時日本的國寶保存法被指定為國寶。在1952年又根據新的文化財保護法，再度被規定為新的國寶受到保護。(資料取自維基百科)

上去睇吓啦！要先喺入口處除鞋先，對鞋會比個膠袋你袋住自己保管。

一入門口就見到最底層嘅大石地基呀！

然後就上哩啲日本傳統建築物又窄又企嘅樓梯，基本上我係兩隻手兩隻腳一齊用先上到條樓梯呀！

第二、三層放咗啲犬山城嘅歷史，同埋一啲模型。

終於上到最高嗰層，出面走廊可以睇到木曾川嘅靚風景。

出面走廊好窄，只足夠一個人走，當無咩人行就無所謂，但如困有人但又想影相就會阻住後面嘅人，好彩當時參觀嘅遊客九成係日本人，大家順時針方向行，想影相但又有人的話就唔影住繼續行多個圈，行到少咗人先影，大家禮禮讓讓，所以要個好位影相一啲都唔難。

望返入口處

欣賞完咁靚嘅風景就慢慢返落去。

行手信店當然係指定動作啦！不過哩到好奇怪，啲明信片唔可以一張張買，一買就要買一套，裡面有成十張、八張，太多啦！所以無買到。

咁就不如買雪糕食啦！綠茶雪糕、櫻花雪糕。