Day 7.3 @ 犬山城 Part 3

2013年4月28日 天晴
07:58~08:32 | 名鉄犬山線鵜沼方面 | 名鉄名古屋 → 犬山遊園
12:07~12:32 | 名鉄犬山線名古屋方面|尤山→ 名鉄名古屋
14:00~14:31 | 名鉄高速巴士 |名鉄巴士中心→ なばなの里(名花之里)18:15~18:46 | 名鉄高速巴士 |なばなの里(名花之里)→ 名鉄巴士中心

(交通收費及詳細資料請往交通篇)酒店：名鉄グランドホテル

離開犬山城後沿住本町通就可以行到犬山駅，我預計半個鐘就可到達。

但哩條本町通實在太多哩睇，有免費公開比遊人參觀嘅民居，以前大富人家嘅居所，又有一啲幾有特色嘅土產店，重有好多幾吸引嘅小食店，令到我哋行嚟行去到行唔出哩條本町通。

好似大雄間屋呀！廳中間有個暖爐咖！

有時間重可以坐底沖杯茶，坐底休息吓，屋內係無人會理你啊！

隔離有個好大嘅廳

哩家人以前都應該係軍人啊！

有啲遊覽人力車，不過好似嵐山啲車夫靚仔啲啊！

又係五餅，不過哋都係無幫襯到。

我哋幫襯咗哩條好美味嘅燒香腸

重有係燒飛驒牛串，好軟稔好香啊！

成條本町通每隔一段距離就會有哩啲張幕比遊人休息，真係貼心啊！

係行行吓有啲類似旅遊大使嘅人極力推薦我哋入去參觀哩間係以前好有錢而且係政府人員嘅屋企。

 

 好大嘅廰

好大嘅花園

就係咁行吓、食吓、睇吓、買吓，半個鐘嘅路程足足行咗個幾鐘，行到車駅剛剛好趕上12:07開出返名古屋嘅車。