10:55~11:25 | [有馬エクスプレス4号] 有馬温泉 → 三宮バスターミナル
12:01~12:28 | [阪急]神戸本線 梅田方面(上り) 神戶三宮 → 梅田
13:06~13:16 | [普通]大阪市営御堂筋線なかもず方面(下り) 梅田 → 心齋橋
(交通收費及詳細資料請往交通篇)
酒店：ホテル日航大阪
起身後先去浸溫泉，由於酒店就喺溫泉寺隔離，所以叫三寶著上浴衣同佢哋喺溫泉寺前影吓相，其實我自己都未試過著日本嘅浴衣離開酒店行出戶外，三寶更覺得興奮，大家都興致勃勃影咗好多相。
(哩張相係2012年到訪時影的，因為今次大家都影太開心，原來淨景嘅相無影到，所以要攞返張舊相出嚟頂住先！)
(哩張相係2012年到訪時影的，因為今次大家都影太開心，原來淨景嘅相無影到，所以要攞返張舊相出嚟頂住先！)
酒店門口對就已經係有馬溫泉寺。
影完相就夠鐘開餐啦！
睇吓有咩食啦！
食飽飽就返上房拾好嘢又係離開嘅時候啊！
今次唔坐電車改坐巴士，我先去有馬溫泉觀光案內所買巴士票。上就得兩班車去三宮，09:55 / 10:55，我哋坐10:55嗰班。哩班車都幾多人坐，我買票時都只係剩返十多個位咋！行遲啲都賣晒呀！
跟住去手信店買啲手店同寄明信片先。
四周圍影吓相就行去太閤橋。
巴士駅就喺太閤橋旁
未夠鐘但車駅都已經好多人喺到等待。
如果坐車入嚟就對面落車
座位係對號入坐。 哩張大車票會喺落車時收返的。
夠鐘就上車，好舒適咁就去到三宮，比起坐電車轉嚟轉去好好多啊！
十一點幾已經返到三宮，原本諗住同佢哋行吓美利堅公園同元町商店街，但哩幾日嚟嘅經驗，姨媽對腳無可能去到哩啲地方，商量後都係先坐車返心齋橋先吧！
返到心齋橋都係一點多，酒店未夠鐘Check in，所以先同佢哋行吓心齋橋，但唔想攞住太多嘢，於是用咗兩個Locker寄存啲手提行李先，Locker size都幾大，成個小喼都放得落。
行街街啦！條街好多人，嚟到係旅遊熱點，處處都係廣東話、普通話。啲藥房好似唔使錢咁，到到都排長龍，強國人個個都搬貨咁搬，好得人驚呀！
行咗一個鐘到就隨意咁去咗一間意大利餐廳食晏，每人食一個餐，主菜可以揀一個意粉，沙律、飲品就任食、任飲。
埋單5,400円，食到好飽啊！
食飽夠鐘返酒店Check in，同三寶返上房安頓好佢哋後，我同大笨蛋就徒步返去難波行道具街。
我同大笨蛋每次嚟都好鐘意行哩條街，哩到啲嘢好啱我哋睇同買呀！淨係哩條街可以消磨個幾鐘呀！所以我鐘意住難波多啲都係原因之一啊！
哩晚嘅晚餐令我哋極為頭痛，心齋橋大大話話百多間食舖，但行咗成個鐘竟然都搵唔到一間啱佢哋食嘅餐廳。
有人話 1) 晏就食咗意粉，所以唔食粉
2) 生嘢唔食
3) 燒嘢唔食
4) 要一人一個餐唔食
5) 鐵板燒唔食
6) 蟹唔食
7) 太多肉唔食
8) 吉野家香港都有唔食
................
8) 吉野家香港都有唔食
................
我同大笨蛋嗰刻真係崩潰呀！咁你三個究竟想點呀！我實在太攰啦，無氣力再同佢糾纏落去，最後喺固力果公仔旁嘅大廈有啲樓上舖，有間好似和民嘅餐廳，都唔再問佢哋啦！有位唔使等就入去食啦！
裡面食物種類都幾多，總算叫做啱各人嘅口味！
沒有留言:
張貼留言