09:51~11:06 | (北陸新幹線) あさま612号 | 軽井沢 → 上野 (指定席) 5,900円
12:33~12:46 | JR 山手線(外回り) | 上野 → 浜松町 170円
13:02~13:08 | JR 山手線(内回り) | 浜松町 → 有楽町 140円
17:08~17:19 | JR 山手線(内回り) | 新橋 → 上野 160円
(交通收費及詳細資料請往實際交通篇)
酒店：上野ホテル丸谷
由於哩間酒店無溫湶浸，朝早又無行程，所以瞓到七點幾先起身梳洗，八點到樓下餐廳食早餐。
我哋係第一組人到餐廳，揀好位就攞嘢食先！(自助早餐)
有我最鐘意食嘅海藻，真係好好味啊！
食飽飽就返上房執好行李準備離開，收返好我啲桔桔先。
話說第一日喺下北沢嘅市場買咗一包柑桔，好好味，連啲皮都係甜咖！所以我好想帶返香港比B女媽咪試吓，不過因為驚會焗壞佢哋，所以我日日都帶住喺身(裝入背囊)，每晚都攞佢出嚟抖氣。
原本諗住哩一朝早行完Outlet先返出去，所以預訂咗下午1:17開出嘅列車。
不過因為行程提早完成，而家可以早啲返出去東京，上網查過列車時間後就攞齊嘢Check Out，跟住都JR車駅換車票，將原本嘅改為9:51開出嘅列車。
去到月台等咗一陣列車就駛到。
十一點幾就返到上野，因為上野酒店要三點先可以Check in，所以都無謂嘥時間走嚟走去，先去車駅Locker放底行李先。
跟住就去上野恩賜公園，因為前幾日去過見到有櫻花，而家有時間就可以過去睇睇。
最搶眼係公園門口幾棵滿開嘅櫻花樹
樹下圍咗好多人喺到同佢留影，不過當日天色昏暗，所以影出嚟嘅相有啲失色呀！
近近遠遠影咗好多相，出發前無預期見到櫻花。而家意外地見到，雖然得幾棵但都已經好開心啊！
再向公園內行，有一排鳥居。
再向前行就係東照宮。
啲洋水仙好靚啊！
離開咗東照宮就見到有個小小嘅遊樂場
遊樂場場隔離係上野動物園，裡面可以睇大熊貓咖！
動物園聽過有彈有讚。你無入?
回覆刪除無呀! 我對動物興趣不大，會郁嘅嘢我嘛嘛哋！如果係植物園我就一定好去。He ~ He !!
刪除