Day 7.1 @ 築地市場

2015年3月20日 / 星期五 (第七天)
08:09~08:22 | [普通]東京メトロ日比谷線 | 上野 → 築地 170円
10:12~10:34 | [普通]東京メトロ日比谷線 / [普通]東京メトロ銀座線 | 築地→ 上野 → 浅草 200円
16:04~16:06 | [普通]都営浅草線快速 |  浅草 → 押上[スカイツリー前] 180円
17:30~17:31 | [普通]都営浅草線 / [普通]東京メトロ銀座線 | 押上[スカイツリー前] → 浅草 →
                      上野 280円

(交通收費及詳細資料請往實際交通篇)
酒店：上野ホテル丸谷

一早起身後老規矩，先到大浴場浸浴，再食早餐後出發。由於哩朝第一個行程係去築地市場食壽司，所以早餐唔想食太多嘢，買咗一個格仔餅同大笨蛋兩份食。

食飽就出發，哩日我哋搭東京地鉄

日比谷線 ~ 中目黒方面 (上野 → 築地)

第一日到步時喺機場買咗1日地鉄票，而家可以攞出嚟啟動嘞！

將地鉄票放入閘後，使用日期就會自動打喺車票後面，咁車票有效期就由哩日計算，我哋係一日劵，所以有效期係當晚十二點前可任搭東京嘅地鉄線。

我哋喺築地駅落車，一出車駅會見到築地本願寺。

繼續向前行，好快就會到達築地市場。

好熱鬧嘅街道

好多人喺小檔食早餐

好多飯團啊！

大定嘅煎蛋好出名，但最終我哋都食唔落啊！

今次嚟多咗個旅遊案內嘅地方，供遊人在此休息、食嘢同埋有服務人員喺服務中心供遊人提供旅遊資訊。

旅遊中心對面哩間即買即食嘅海鮮檔好好生意，好多遊人都幫襯佢買燒帶子、鮑魚、蟹腳。

而最吸引我嘅係即開即食嘅海膽啊！

伯伯密密手咁開都開唔切呀！個個都排隊買海膽，我哋緊係唔拾輸買返兩個啦！

700円兩個，真係超值呀！

買咗海膽後，因為檔口太多人，所以我哋就過去服務中心裡面坐底慢慢享用，裡面有枱、有櫈，重有大量汽水機添！

我唔客氣啦！

真在太鮮味啦！一個真係唔係好夠！

但因為重要留肚食壽司，所以唔敢一次食太多。收拾好枱後就繼續進發。

哩到好多店舖都好啱我哋行，行吓睇吓買吓，真係幾開心啊！

喺哩到行嘅時候要注意哩啲運貨嘅車，佢哋開得好快同唔會讓人，所以要小心啲注意路面情況。

跟住就慢慢行去壽司店條街，嚟到已經見到長長嘅人龍。

大和同壽司大哩兩間真係排到條龍尾喺邊都睇唔到啊！

我一早就已經無諗住食哩兩間，只要有一間唔使排就食嗰一間 。哩間有位就係佢啦！ ~ 寿司処やまざき

哩間都係我上次嚟嘅時候食過嘅，舖頭大槪可以坐到十至十二人，有兩位師傅。

我哋叫咗兩個套餐，一個「櫻」~3,200円、一個「菊」~3,900円，分別咗一份係九件壽司，一份係十一件壽司。

先嚟個蛋先

再嚟碗湯

跟住睇住師傅開始為我做壽司

唔知師傅唔記得定係要將我嘅壽司放得好睇，佢又再比多次煎蛋我哋，四嚿蛋已經食到我好飽啊！

哩條係真蟹腳，唔係人做蟹柳呀！

哩份係大笨蛋嘅「菊」其中一部份呀！

哩件魚好好味，好鮮甜，師傅有同我哋係咩魚，不過講完又唔記得啊！

吞拿魚一啲都唔腥

哩件拖羅入口即溶，而家都重好回味啊！

最後哩個海膽，真係好食到爆燈，同之前喺街檔一比，當堂立分高下，真係一分錢一分貨啊！海膽嘅香停留喺口裡面久久不散，真係好好好好味啊！

大笨蛋就由哩件鰻魚做結尾，佢話都係好好食呀！

食飽飽出嚟連哩間都要排隊啊！

人亦越嚟越多

我哋見無咩特別要睇同買就慢慢行返去車駅準備去下一駅 ~ 雷門寺嘞！

主頁：2015' 東京近郊八天行 

前一頁：Day 6.2 @ 東京鐵塔、銀座 

後一頁：Day 7.2 @ 淺草雷門