Day 5.4 @ 晚餐、上高地夜景

2015年10月14日 / 星期三 (第五天)
08:40 ~ 09:40 | 濃飛バス | 高山濃飛バスセンター → 平湯温泉
10:00 ~ 10:25 | 濃飛バス | 平湯温泉 → 上高地

(交通收費及詳細資料請往交通篇)
酒店：上高地ホテル白樺荘

坐吓抖吓又到食晚飯嘅時候啦！之前睇過酒嘅食評都係話哩間酒店嘅食物嘛嘛！所以我都帶定杯麵上嚟！點知又意外地成餐晚飯每道餸都唔錯，大家都食都好飽。

餐廳喺二樓，我揀第二時段7:30食飯，哩個時間無咩人。

由前菜到甜品都賣相精緻同好味！

食飽後親個身重暖就出戶外睇星星，難得萬里晴空，出到酒店門口只要抬頭一望，嘩！成千上萬嘅星星喺頭頂上，有啲重好似一條銀河咁，雖然兩手都已經凍彊，但都唔捨得返入去，手機影唔到哩個畫面，但我有帶小腳架，試圖影張出嚟睇吓，出乎意外地影得都幾靚，所以行去唔同位置影咗一輪，最後都有幾張滿意嘅星星夜空照。

 都玩咗半個鐘，連人都凍彊咗，當晚戶外都只係有零度或再低，真係好凍。所以影夠就快快返入酒店，然後浴場剛剛又係無人，我哋即刻去浸一浸，寒氣全消就去瞓覺啦！因為明早又要早起準備由大正池行返嚟河童橋呀！

主頁：2015' 中部北陸紅葉八天遊

前一頁：Day 5.3 @ 上高地明神橋、河童橋

後一頁：Day 6~7：ホテルサンルートプラザ名古屋

我的足跡