08:00 ~ 08:10 | 濃飛バス | 上高地 → 大正池
11:00 ~ 11:25 | 濃飛バス | 上高地 → 平湯温泉
12:30 ~ 13:26 | 濃飛バス | 平湯温泉 → 高山濃飛バスセンター
14:39 ~ 17:02 | Ｌ特急（ワイドビュー）ひだ14号 | 高山 → 名古屋
(交通收費及詳細資料請往交通篇)
酒店：ホテルサンルートプラザ名古屋
我哋兩個鐘剛好完成行程，而家河童橋上又擠滿一團團嘅遊客了，我同大笨蛋過橋返酒店攞返行李後就出巴士駅同靚太會合坐車返落去平湯溫泉，本來有十分鐘轉車時候，由於唔想太急，又想行一吓手信店，所以我哋搭一個鐘後開出嘅巴士。
手信店外有間土產店，行出溫泉街有一兩間小手信店，可能時間尚早，成條街都好靜。
行吓、買吓、坐吓、抖吓！又夠鐘上車啦！
返到上高地兩點鐘，先去JR票務處改乘車班次，之前畫咗指定席四點車返名古屋，而家早咗完成行程，所以可以改三點離開高山返名古屋。票務員提醒只可以更改一次，我話無問題，因為我哩個已經係套票最後一程車啦！換言之哩個旅程大致上亦已經完成啦！
本來諗住食埋晏就先上車，但又睇嚟睇去都好似無咩啱食嘅餐廳，所以最後決定買便當上火車食。
由於我哋行李已經喺前一日托高山嘅酒店寄去名古屋嘅酒店，所以哩程無大件行李跟身，小小行李可以放喺頭頂嘅行李架，見到有一家四口嘅香港朋友拉住四個大喼，上咗車搵地方擺行李真頭痛。
上咗車食咗個便當瞓一陣就返到名古屋嘞！落車喺月台又見到一家四口要抬四件行李落樓梯，家庭成員係爸、媽加個小朋友。媽媽照顧兩個小朋友落咗樓梯，爸爸一個人來回咁抬四件行李，我嗰刻覺得我比80蚊寄行李真係物超所值呀！
出咗車駅襯百貨公司未收工，先去買個喼先，因為B女媽咪今次帶嚟嘅細喼已經用咗超過十年，係時候要換一換啊！買完喼就去百貨公司下嘅超市買今晚嘅晚餐，七點幾大包、小包就返酒店，辦理好入住手續後同兩位靚太上房，安頓好佢哋之後，我同大笨蛋再返去車駅旁嘅無印同店舖行，繼而再進攻藥房，雖然重有聽日可以入貨，但有兩位靚太同行始終買嘢唔會太方便。
因為知道千里馬藥房價錢比較平，雖然貨品唔夠多但都一心去入貨，不過當日好多好多操普通話嘅人，唔知台灣定大陸團，佢哋喺到瘋狂掃貨，好彩我哋比佢哋早少少排隊比錢，佢哋每日都係買六、七籃嘢！有啲重唔使拆箱，成箱嚟呀！好恐怖呀！此地不宜久留，都係快快離開。
最後我哋行埋酒店附近嘅藥房同便利店，九點幾就返酒店沖涼開餐。
唔使點解今次無咩嘢買到但個喼都已經超晒重啦！所以都無咩心機再買嘢。
沒有留言:
張貼留言