2016年10月13日 / 星期四 (第七天) 利用「JR四國鐵路周遊券」
08:35 ~ 08:40 | 的士 | 琴平パークホテル → JR琴平
09:01 ~ 09:43 | 特急しまんと5 号 | 琴平 → 大歩危 (指定席)
14:02 ~ 14:30 | 乗合バス 祖谷線 | 大歩危峡 → かずら橋
(交通收費及詳細資料請往實際交通篇)
酒店：新祖谷温泉 ホテルかずら橋
今日去嘅地方係哩個行程嘅重點之一，我期待咗好耐，由於祖谷，大、小步危交通非常疏落，出發前喺路線上研究咗好一段時間應該點樣走才會順。
八點多就收拾好行李到酒店大堂先把行李托運，跟住酒店職員幫我哋叫的士前往JR琴平駅。
琴平往大步危只需個多小時。到達大步危車駅後先留影一番，因為這個無人車駅放著好多有趣嘅公仔及有一條縮版祖谷蔓橋。
跟住就徒步前往大步危峽，以我們嘅步伐由車駅行過去都要半個鐘，不過都是平路所以也行得相當輕鬆。
在大步危峽前有個駅之道，裡面有間鬼屋及手信店，喺網絡上已參觀過鬼屋內裡情況，所以也唔考慮嘥錢入內參觀了。
喺手信店逛咗陣就行多幾分鐘便到達大步危峽。
我哋先入案內所購買遊大步危峽嘅船票，跟住不用對時間表，只要夠一船人便會開船。
大步危峽兩邊風景真係好靚，河水清澈見底，置身河上真係好舒服。船主會不斷介紹峽兩旁風景，但可惜我一句都聽唔明，只知道到咗獅子石時，佢不斷講Lion。
遊河時間大槪半小時就返上岸，當時我哋應該可以趕上12:00開出嘅巴士前往祖谷蔓橋，但因為巴士班次大疏落，為有足夠時間慢慢欣賞哩到景色，所以我打算坐下午2:00開出嘅巴士，於是我哋有兩個多小時喺哩個手信店閒逛及午飯。感覺真係好悠閒啊！
發覺自己已不似以前總係將每日行程編得滿滿，天天在趕呀趕，而家通常一日只去一、兩個景點，可以令自己放慢腳步慢慢欣賞。
大部份照片都見唔到有人影，好似好冷清咁。
回覆刪除我哋佢嘅時候確實唔係旺季，而且就算有都係旅行團，佢哋好快就離開，唔會好似我哋咁哩區都留成日咁長。😁
刪除