2016年10月15日 / 星期六 (第九天)
09:00 ~ 10:17 | 徳島バス [27] 鳴門公園行 | 徳島駅前 →亀浦口 710円
11:00 ~ 11:20 | うずしお汽船 1,550円
14:36 ~ 15:58 | 徳島バス [21] 徳島駅前行 | 鳴門公園 → 徳島駅前 710円
(交通收費及詳細資料請往實際交通篇)
酒店：ホテルサンルート徳島 (Hotel Sunroute Tokushima)
今朝一早起身，確實適合去觀潮。天氣非常好，喺酒店食個早餐就坐巴士出發觀潮。
哩日大槪正午12:00潮退，前後兩小時係觀潮嘅好時間，所以我哋坐9:00開出嘅巴士去亀浦口再轉うずしお汽船 出海觀潮 。
當日係星期六所以碼頭已有好多旅遊車一團團本地人到來，我哋也快快購票後排隊上船，十分鐘到船就駛往鳴門大橋下嘅海面。
剛剛停定船就見到海面一邊開始湧起一層層浪，跟住一個個漩渦就出現喺眼前，由於攝影技術太差，並未能捕捉到漩渦嘅型態，但現場睇真係好震撼呀！
半小時返上岸後我哋就快步前往鳴門大橋 - 渦之道，渦之道距離碼頭都要行半個鐘，到咗渦之道入口再行去海中心漩渦位置又要幾個字，都行咗好多路呀！
上到渦之道一個個漩渦由高處望下又另一種震撼呀！好幸運今次我哋遇上大潮而潮退時間又比我哋夾得啱啱好，喺海面近距離及渦之道遠距離觀賞都令我好深印象啊！
睇完慢慢行返出渦之道就去旁邊公園裡面嘅潮風食鳴門出名嘅鯛魚飯，哩間餐廳好出名，又適逢食飯時間，所以都要等一陣先有位。
餐廳位置正正喺海邊，當日萬里晴空令，望出餐廳窗外就好似一張Postcard咁呀！超美。
鯛魚喺哩間店嘅招牌菜，魚肉鮮甜彈牙，真係好回味呀!
食飽行咗陣手信店同出去大橋旁影相後就返去車站等巴士返回德島。
巴士開始駛回德島市時就代表我哋嘅四國之旅已經到達尾聲。跟住就會返大阪繼續行程。
當晚就食咗德島出面嘅拉麵 ~ 麵王作為我哋四國行程嘅最後一餐 。
計劃四國行程，由於時間有限，重有好多地方未能一一列入行程，好似四萬十川我都好想去，加上今次對四國嘅認識，相信好快我就會再踏足四國的。
沒有留言:
張貼留言