但點簡化重有哩一樣嘢咁多年嚟都一定做 – 整角仔
以前一到整角仔嘅時間，屋企就好熱鬧咖﹗所有亞姨都齊集整角仔，老表門就輪流學顏粉，真係好鬼開心咖﹗相比而家就冷清好多啦﹗但B女媽咪話哩啲少少嘅傳統嘢都唔做就冇晒過年氣紛，而且年年都做開唔做好似唔係幾好喎﹗所以今日我哋就只有三個人去做哩件大事嘞﹗
兩日前已經炸定啲豬油，B女話而家啲豬玩瘦身，兩斤肥肉先炸到哩少少豬油。
之前係用花生，今年試吓改用腰果。
B女開始搓粉啦﹗哩到係兩斤麵粉七隻雞蛋同適量豬油。我哋今日做五斤粉呀﹗
搓呀...搓呀...﹗
搓咗團粉嘞﹗
我開始顏粉嘞﹗
跟住入餡料然後摙返條鞭仔。
完作咗第一盆製成品
落鑊啦﹗炸角仔時唔可以亂講嘢咖﹗要講就講啲好意頭嘢，例如: 哎呀﹗隻角仔笑口呀﹗(其實係爆咗口呀﹗)
完成品
終於完工嘞﹗
朝九晚七，Lunch time得15分鐘，真係重辛苦過返工呀﹗我而家對手攰到好似唔係我自己咁呀﹗
wah 好靚啊!!! @@ 做咁耐?! 不過你地做好多啊...
回覆刪除我上星期做蘿蔔糕(2 底)但...未過年已經k.o. 左....
[版主回覆01/17/2009 22:54:00]因為得三個人,所以要整成日囉! 都整咗好多呀! 因為要分比好多人啊!
我哋會嚟緊個星期都開始蒸糕, 會蒸馬蹄糕同埋蘿蔔糕啊! 每年都要蒸廿幾底都唔係好夠咖! 所以年年都覺得過年好辛苦啊!
回覆刪除好工夫!
[版主回覆01/18/2009 16:00:00]多謝多謝! 功多勢熟啫!B女由我哋幾歲已經開始訓練咖啦!
勁呀!! 角仔你都識整, 仲排得咁靚.
回覆刪除[版主回覆01/19/2009 19:16:00]真係過奬啦 ! 因為要影相先排到咁咋 ! 之後嗰啲都是鬼單呀 !
wah 好靚啊!!!
回覆刪除[版主回覆01/19/2009 22:16:00]多謝誇獎啊!
角仔真係包得很靚，似足佢手拿著的。
回覆刪除原來角仔要用豬油搓粉，會肥些少！
[版主回覆01/20/2009 07:18:00]你啲公仔好鬼得意啊! 係呀如果唔用豬油就唔會鬆脆咖! 一年一次肥就肥啦! 其實我自己好少食咖! 一隻起兩隻止, 我都係過吓手引咖咋!
炸得好靚喎! 我自從初中家政堂整過一次角仔, 跟住返屋企lur呀媽買料俾我再整一次之後, 就從來冇再整過喇, 因為果次我用支燒酒來顏粉, 顏咗幾下就打爛咗支野, 整出來嘅角仔仲要硬過石頭, 老豆幾乎連假牙都咬崩, 呀媽怕咗我, 連我自己都怕怕呀!
回覆刪除[版主回覆01/21/2009 07:23:00]我哋都係用燒酒樽呀! 媽咪話可能你係用粘米粉加糯米粉,所以如果溝得唔好就會硬, 我哋只係用麵粉就冇問題啊!
嘩，係哋好西利呀，又識整籮蔔糕潻，好羨慕呀。以前細個都有幫媽咪搓煎堆，但都是用貪玩的心態。現在年紀大了反而想学，但到媽咪年紀大，收山了
回覆刪除[版主回覆01/21/2009 07:28:00]其實我哋細個都係抱住玩嘅心態去做咖咋! 而且我媽咪都想喺佢收山前就教晒我哋囉! 所以佢由我哋幾歲就開始訓練咖啦! 但到而家開粉同落鑊炸我都未得呀! 出年要繼續努力呀!
好靚啊!!! 好有心!現在家庭很少會做!
回覆刪除[版主回覆01/24/2009 00:26:00]多謝讚賞, B女媽咪話哩啲傳統嘢點都要做吓喎!如果唔係慢慢就冇人識做喎!
好掂喎! 睇到都知好!
回覆刪除[版主回覆01/24/2009 00:30:00]多謝讚賞啊!
回覆刪除祝你牛年夢想成真。
呢種脆角，小子小時吃得多了，那時不知幾羨慕人地D軟棉棉荳沙角。
回覆刪除[版主回覆02/20/2009 07:37:00]嘜荳沙角都係過年嘅食品嚟呀...? 我都唔知添!
係呀，想當年小子一家住板間房，媽媽每年都整花生油角，食得多便悶口了，鄰房剛相反，年年炸荳蓉角，使我們大流口水0約！
回覆刪除