09'新加坡遊-第二日(上)

16/10/2009 先雨後晴

  /

 港灣、牛車水、Suntec City

我哋間房望出去嘅view呀！個泳池幾靚，不過喺對面間酒店咖！

其實哩間酒店係幾近啲旅遊點，直望已經見到Singapore Flyer啦！

起身時發覺嗰個輕觸式電子板又唔work嘞！原全冇反應呀！我今次都費時打電話等人嚟，貼張紙叫拾房嗰人幫我哋搵人嚟整呀！

今朝我哋八點出發去聖陶沙呀！首先喺Dhoby Ghaut搭MRT去Harbourt Front。

以我嘅習慣都算做晏出發啦！ 酒店隔離係Singapore Art Museum，街上放滿咗好多藝術品，不過我唔識欣賞。

途經一間Food Court，見好多人喺裡面食早餐，我哋都未食嘢，所以都入去幫襯吓先！

我哋兩個人叫咗一碗魚蛋粉，SG3.50，都唔平啊！不過好好食呀！啲魚蛋好彈牙呀！

食飽就繼續向車站Dhoby Ghaut進發嘞！點知落起雨嚟呀！

哩間唔知咩聖堂呢? 幾靚啊！  

MRT內

話咁快就到咗Harbourt Front嘞！  

去聖陶沙嘅車站係喺Vivo City嘅三樓，哩到有間好大嘅Foodrepublic，裡面有好多新加坡美食。但因為我哋去到時只係九點，所以好多都重未開舖。

想試吓嘟嘟糕但都係未開舖呀！

想搭車出發去聖陶沙，但出面落緊雷雨啊！如果落咁大雨過去都冇用喎！

咁唯有喺Toast Box食吓嘢，等場雨停咗先過去啦！

肉鬆多士套餐 - SGD4.20，多士好好食，杯咖啡真係好正呀！

我哋最鐘意哩隻糖心蛋呀！好好味呀！

Toast Box旁有間舖頭賣啲懷舊嘅玩具呀！

食完嘢喺商場行咗陣都重係不停咁落雨，喺到足足逗留咗個幾鐘都冇好轉，因為我哋只係想過去行吓沙灘同坐吓吊車，如果落雨落成咁過去都冇意思，唔想浪費時間！所以最後都係決定放棄去聖陶沙啦！

唯有影吓個車站當去咗啦！留返個籍口比自己下次嚟過！咁就搭返MRT去牛車水，其實即係唐人街啊！

一出車站已經見到林志源嘅招牌啦！

哩到啲屋好有特色啊！

街道兩旁都係賣記念品嘅店舖，太多都係帶有中國特色嘅產品，雖然對我哋中國人嚟講少咗份吸引力，但我同大笨蛋都喺到停留咗一段時間，左睇睇右望望，都幾得意啊！

行行吓又落雨啊！

少不免都買咗少少新加坡記念品啊！

哩到有間好似博物館嘅地方，擺放咗一啲唐人街嘅歷史相片同物品。

跟住就過去林志源買肉乾，因為朋友講過其實佢唔係旅遊書講到咁好食, 所以我哋想試食吓！但哩間嘢啲人都幾串，唔比試食。所以我哋去咗隔離嗰間香味肉干睇吓嘞！

哩間香味又有得試食、又有特價，試過幾種口味都幾好食，所以我哋就幫襯哩間啊！而林志源就買咗少少啦！始終係最出名嘅一個店舖。

跟住又繼續行。

啲屋真係幾靚啊！

哩條街再晏啲會有好多嘢食啊！而家十一點幾重未開舖！

去到馮滿記就幫朋友買哩到好出名嘅荳蔻膏，但竟然唔記得幫自己買喎！我發覺我每次去旅行個腦袋都好似好唔聽使咁！成日都唔可以正常運作既！

轉眼就到咗佛牙寺，裡面收藏咗全亞洲最大由真金打造嘅佛牙舍利塔，用嚟供奉釋迦牟尼嘅舍子。但我哋只係喺出面影吓相，並冇入去參觀啊！

沿住佛牙寺再向前行就會到新加坡最古老嘅印度古廟 - 馬里安曼興都廟，但我哋見到佢時啱啱修葺緊，所以無緣見佢一面啊！

                                                                                     

....續