匆匆忙忙沖繩四天團 - Day 1.1

2011年7月7日

哩日所搭嘅港龍航班喺下就1:25起飛，所以集合時間喺11:25，今次哩團嘅人數只有23人，唔算太多人，而且全團都無咩特別麻煩嘅人，只係喺行程集合嘅時間唔多準時啫。

機場例排照片

因為機程只係兩個幾鐘頭，所以起飛後大槪八、九個字就派飛機餐嘞！

個幾鐘後就可看到石垣島嗱！

眾所周知沖繩機場國外線係一個好細嘅機場，一到步就見到航空自衛隊。

好多自衛隊用嘅飛機停泊咗喺到

哩隻飛機尾有個沖繩嘅古祥物呀！

國內線個機場大好多啊！

終於可以落機嗱！

國外線機場嘅大堂，一眼見晒！

搞掂晒開車出發已經六點幾，所以只有一個行程，而且係一個極無聊嘅行程 - 樹包厝
只係一間建喺樹上嘅餐廳，而棵樹係假嘅。

反而隔離個大鳥居有意思好多。

樹包厝只係用咗分幾鐘影張相，到此一遊，跟住嘅重點係隔離嘅便利店，轉吓眼各團友們已經被哩間便利店吸引晒去嘞！

我緊係唔拾輸啦！重買咗個沖繩特產，我見好多blog都有講哩隻係好出名嘅沖繩手信，見到哩間便利店有得單獨一個賣，就買一個試吓好唔好食先！結果係.....我一盒都無買到呀！

上車前見到有檔生果舖，買咗少少乾果，老闆娘重唔計稅添呀！

跟住就去食飯，哩餐有名堂咖！叫做 「沖繩和風(AGuu)島豚Shabu Shabu」

餐廳環境幾有特色，我同我細妹重被安排坐喺哩啲日式坐位上。

一人一份

其實個份量都幾多，食到好飽啊！哩啲黑豚肉唔肥，好好味啊！

烚完晒都無咩肥油。

                                                                                                           

                                                                                                          續  ...... Day 1.2