晚飯過後就返酒店，哩晚住嘅酒店「JAL CITY酒店」就係際通中間位置，而國際通嘅舖頭同日本一般嘅舖頭最大分別係大部都收十點，有啲甚至收十一點，所以雖然搞掂晒手續返房已經九點，但要行夜街真係十分方便。
出去行夜街前循例影吓間酒店房先。 間房面積唔大，但只係瞓一晚，OK啦！
放好行李，急不及待馬上出發行街街。 九點落街重有好多舖未收。
不過商店街嘅舖頭就收晒嗱！
第一目標係藥房，由於位於國際通街尾嘅藥房收九點，所以我哋就主力去三越百貨隔離嘅橫街內一間有賣藥物嘅舖頭，不過唔記得影相，裡面同一般藥房差不多，二樓係100円店，不過我哋喺樓下買完嘢都差不多收舖，所以上唔都去睇吓有咩賣。
跟住就繼續每間舖頭八吓！
好多記念品都好吸引啊！獅子係沖繩嘅吉祥物。
啲玻璃杯真係好靚，又唔太貴，但要好小心咁保護佢返香港，所以最後都係放棄咗無買。
十一點，舖頭都陸陸續續收，我哋都買咗好多嘢，係時候返酒店。
除咗獅子，豬都係沖繩標誌嚟咖！
返到酒店放底買咗嘅嘢，並唔係去休息呀！跟住繼續再出動，因為第二日要去名護嘅萬豪酒店，茶會時工作人員話嗰到係郊區，只有一間便利店，無咩嘢賣，而我哋會有兩餐食自己，所以想去超市入啲貨，出發前上網check過，牧志車站附近有間24小時開放嘅超級市場。
好彩之前上過google map行過條街，如果唔係當晚黑麻麻、靜英英，都唔知有冇行錯路呀！
由於有個blog友仔問路，所以我貼埋Max Value超市個位置，有興趣可以自己上google map行吓啊！
有啲手震添！
過咗哩條咁靜嘅路，就即刻見到哩間超市嘞！
超市內嘅價錢牌係用電子顯示器咖！
行到十二點幾已經好攰嘞！真係要返酒店休息嗱！
回程期間落咗一陣雨，沖繩好多時都會落驟雨，一落就好大雨，但一陣就會落完。
買咗個乳酪做宵夜。
今日嘅戰利品
沖繩著名手信 - 幸運星砂
過兩日嘅午餐同晚餐。
最後搞到兩點先瞓，瞓四個鐘又要起身啊！
第一天已有咁多戰利品，唔乖得之日本是妳最喜歡去旅行的地方。
回覆刪除第一天行程成兩點先瞓，真是玩到盡！
[版主回覆07/18/2011 07:20:00]! 因為今次得四日, 第二同第三日都係喺睇風景同喺酒店活動, 到第四日又走嘞! 所以唔會有好多機會可以去買我要買嘅嘢, 於是只係集中喺第一日夜晚買晒囉!
買咁多藥物嘅 ??
回覆刪除[版主回覆07/18/2011 07:24:00]係呀! 啲膏貼比香港評同有效, 哩到可以用成年咖啦! 有啲用電腦用得多肩膀好痛就貼返張, 龍角散就可以止咳同喉嚨痛, 我次次去到日本都會喺藥房shopping! 反而去百貨公司或outlet我都無收穫啊!
(Empty)
回覆刪除[版主回覆07/19/2011 07:24:00](Empty)
嘩, 一d都唔hea . . .
回覆刪除[版主回覆07/21/2011 07:32:00]! 哩日因為得幾個鐘, 所以時間比較趕, 遲啲就會hea啲咖嗱!
其實會唔會有MAX VALUE 個地址呢? THANKS!
回覆刪除[版主回覆07/24/2011 09:22:00]我無實際嘅地址, 我都係上google map行吓搵吓, 你睇吓哩嗰map幫唔幫到你吖! 我會放張大少少喺上面內容啊!
Shirley : 酒店雖然唔大 , 不過地方都好骨子 .
回覆刪除Wow ~ 雖然第一日 , 不過都好重手喎 . D杯麵係拎番 '香港" 還是果度食 ?
Bye Bye !
[版主回覆08/07/2011 18:56:00]係呀! 而且佢嘅地點勁方便呀! 所以如果自己book哩間啲一晚房租都唔平咖! 啲杯麵最後係食咗一個帶一個返香港先食呀!
嘩，妳預備了許多「子彈」0番！係 0甘掃貨。
回覆刪除[版主回覆08/28/2011 13:12:00]! 其實哩個行程係得哩晚可以有時間買吓嘢, 之後嗰幾日都無咩使錢嗱! 而且我使嗰啲係兩年幾前去北海道時用剩嘅存貨, 個rate係0.076, 所以買都買得鬆手啲啊! 同埋沖繩啲嘢比起東京、北海道嗰邊都係平啲, 好似你見啲星沙咁! 有公仔嗰樽只係120円, 而鎖匙扣只係80円, 就算對1都係港幣12蚊同8蚊, 咁你話我點忍得手呢!!
那真是賤物鬥窮人了！
回覆刪除[版主回覆08/29/2011 15:06:00]領隊話因為311之後, 生意難做喎!
Tks for the map !!!! So helpful !!!!
回覆刪除[版主回覆01/16/2012 07:30:47]唔使客氣!!