返到上房抖咗陣，就落去酒店四周圍行吓。
酒店大門口
其實酒店裡面都有間便利店，係開到十二點咖！品種雖然無沙灘嗰間Family Mart咁多，但我覺得都OK咖！
除咗便利店，另外有間賣手信嘅店。
手信店旁有間Business Center，Center內一左、一右都有部電腦免費比住客用。而大堂都有Wi-Fi，第一次上嘅時候須要入password，可以問 Receiption攞就得咖嘞！
當日見到有幾對新人喺到搞婚禮呀！
樓梯行上去就係行婚禮嘅禮堂，正因為有幾場婚禮，所以我哋入唔到去禮堂到參觀啊！
行咗一轉，差不多六點鐘，哩晚嘅晚餐都係食自己，我哋同領隊訂咗牡丹蝦，再加杯麵做晚餐，啲蝦要八點幾先運到嚟，所以哩個時間最好先去浸溫泉，因為大部份人都要去餐廳食飯，哩個時間去浸我估計哩個時間應該唔會太多人啊！
哩個溫泉同日本其他嗰啲有啲唔同，因為沖繩無火山，所以哩到哩啲溫泉水並唔係含有琉黃嗰樣溫泉水，而喺嚟自深層海水，我都唔係好識研究係詳成份，咩功效，總知有得浸我就開心啊！
哩到總共有六個池，五熱一冷同一個桑拿房。我最鐘意有個冷池，當浸到慶晒嘅時候再跳入個冷水池到真係好爽咖！
哩到溫泉重有樣特別係要著泳衣咖！反而哩樣我有啲唔慣呀！我都係鐘意傳統啲。
我哋揀嘅時間真係好啱，差唔多包場咁制，最後唔覺唔覺玩咗成兩個鐘先走呀！
返上房前去泳池旁影吓夜影先，我見人哋post啲夜影相好靚啊！不過我啲就嘛嘛咋！
望上禮堂到有人舉行緊婚禮喎！
終於九點鐘先返上房，等到九點半先搵到領隊攞蝦，佢話咁晏係因為啱啱先宅急便送到嚟，哩五隻咁大嘅蝦價值4,500円。
真係好好味呀！中醫叫我唔好食生、冷嘢，但難得一次出嚟玩就哩幾日都放肆下啦！
食飽飽係時候拾嘢準備第二日返香港啊！
循例又影吓啲戰利品先！
我唔知由幾時開始，好鐘意買當地有特色或代表牲嘅file，覺得佢哋唔阻地方，又實用，攞上手又會記起去過嘅地方。
我見人哋啲blog有好多叮噹嘅限定產品，但我只係搵到哩兩件咋！用嚟送比鐘意叮噹嘅朋友嘅↓
哩個尼龍我淨係喺哩間酒店嘅便利店見到，國際通嗰到嗰啲淨係得Kitty公仔，唔似得哩個有沖繩嘅地圖同每個地方嘅特產，之前我去北海道都買咗個類似咖！
重有幾個Kitty嘅沖繩限定扭蛋
B女媽咪今次攞唔到假唔可以一齊嚟，就買返啲土產比佢感受吓啦！
啲夜景相影得唔錯 ，環境很正。
回覆刪除今次影相用原本果部相機或用新個部遠攝相機去影呀？
[版主回覆07/25/2011 07:33:00]日頭同埋水族館裡面就用新嗰部, 因為可以校光圈定快門呀! 效果比舊嘅好, 但係影近景同夜景就係用返舊嗰部, 新嗰部掌握唔到, 所以影唔到上面嘅效果呀!
請問呢個團要幾錢呀，我都想去，我問過九月份要七千幾元，好貴呀，不過真係好靚。
回覆刪除[版主回覆07/27/2011 22:01:00]哩個團因為標榜住兩晚萬豪, 所以團費比其他公司啲都貴，團費加燃油附加費同機場稅要HKD7,300- 再加四日導遊費HKD400-。 真係幾貴, 不過去完又覺得真係幾值啊！
沖繩真係幾值得去咖! 諗諗佢啦!
唔怪得可以影相
回覆刪除[版主回覆08/07/2011 14:42:00]因為全場得我同細妹先會影相啫!
Shirley : 度結婚 , 好浪漫既呢 ?
回覆刪除呢D "溫泉" , 俾我一定浸到唔捨得走 , 一冷一熱 , 夠晒和味 .
P.M.9:30 ? 晚餐當宵夜咯 .
Bye Bye !
P.S. : 唔係 ~ D夜景相好靚呀 ~
[版主回覆08/07/2011 19:32:00]我都覺得好浪漫呀! 我知你都好一冷一熱, 真係正到無人有呀! 重要我哋兩個包場, 所以哩次玩咗兩個鐘先走呀!
回覆刪除新郎新娘都是全純白色禮服，很悅目，幾時到妳做主角呀？
[版主回覆08/28/2011 13:32:00]小子你又玩我嘞!
人生必經之路呀！
回覆刪除[版主回覆08/29/2011 15:17:00]真係唔夠小子講呀! 如果真係有哩一日, 一定唔會流咗小子一份呀!
我都打算去沖繩玩, 想問你係咪跟 x 安呀 ?
回覆刪除[版主回覆08/29/2011 15:18:00]係縱x遊呀!
係就快D，若到那天小子要扶柺杖時可能不便前來祝賀了！但人唔到禮會到，小子識做！
回覆刪除[版主回覆08/29/2011 16:23:00]! 哩啲嘢真係急唔嚟呀!
著緊點但也要謹慎點，香港男比女少愈來愈明顯，好男更少！
回覆刪除[版主回覆08/29/2011 18:40:00](Empty)
酒店唔錯喎 !
回覆刪除[版主回覆08/29/2011 18:39:00]係呀! 哩間酒店真係好正啊! 貴就貴啲, 但物有所值啊!