2012年4月14日 陰天 / 晴天
08:39 | 大阪市営 御堂筋線坂方面 | なんば → 梅田
09:10 | 阪急 宝塚本線宝塜方面 | 梅田 → 池田
12:35 | 阪急 宝塚本線梅田方面 | 池田 → 梅田
13:07 | 大阪市営 御堂筋線なかもず方面 | 梅田 →動物園前
15:25 | 大阪市営 御堂筋線江坂方面 | 動物園前 → なんば
哩日第一個行程係去日清杯麵博物館 (インスタントラーメン発明記念館)，07年嚟嘅時候本來已經想嚟，但當時第一次自己自由行，所以覺得搭車好複雜，最終都放棄咗。不過其實都唔係咁難啫！
又係要揀搭急行列車啊！
上到月台9:04，所以我哋等搭9:10開出嘅急行列車。
19分鐘就到咗池田，都幾快啊！
直到見到哩間舖頭嘅路口就轉入去直行到尾就會到達目的地。
沿途都係民居，重不時門外都種咗啲好靚嘅櫻花樹啊！
嚟到哩間屋，門外嘅櫻花開得好密呀！正當我同細妹影櫻花影到入晒神時，唔見咗B女媽咪。
兜兜轉轉終於行到嘞！人哋喺正面條路入，我哋就行咗去後面停車場後門入。
哈....哈！去到目的地就得啦！杯麵發明者 - 安藤百福先生。
理論上係一直沿住時光隧道參觀杯麵嘅發展吏，然後去到最後先會到達「自製杯麵」嘅體驗區，我去到嘅時候雖然人唔多，但由於當日係星期六，擔心越晏越多人，所以一入到館內就咩都唔睇住，直入到尾整咗杯麵先。
其實所謂自製係杯麵嘅杯自己畫上圖案 + 自選湯料同餸料，並唔係自己製麵，如果想試吓自己製麵的話，可以上網預約做麵嘅班，詳情可以去上面嘅官方網頁睇睇。
展館9:30開，我哋10:00前去到，所以都唔算多人，只需要等幾個就可以入嘞！
步驟1: 比300円買個杯先，如你自己鐘意可多買幾個。無限每人買幾多啊！
步驟2: 消毒雙手
步驟3: 排隊等安排入坐「工作區」，工作人員會幫個杯消毒同比一個透明膠蓋吸住個杯，與此同時亦會解釋整個過程，大致係話畫個杯時要保持杯蓋吸住嘅狀態，杯身要寫上製造日期，因為有效只係保持一個月，杯上紅線外嘅位置同埋杯底都唔可以畫任何嘢。
好嘞！埋位開始啦！如果無頭緒的話，可以參考枱上面嘅日清雞仔。
我自己就早有準備，因為係送比人，小朋友哩期鐘意Angry Bird，所以獻醜嗱！
其實我畫畫係完全唔掂，隻手好似都唔多受控制呀！
個多鐘頭後終於大功告成，哩兩個就係我嘅傑作嘞！
細妹啲畫功好我好多啊！
哈...哈！B女媽咪想畫隻唐老鴨，但最後......！真係有啲嚇人，不過佢已經好比心機畫，同埋都畫得好開心，雖然個公仔唔靚，但收禮物嗰位小朋友都好開心啊！都係一份心意吧！
三個獨一無二嘅杯麵快將面世啊！
好...！攞住畫好嘅杯又再排隊準備入麵同材料。
首先跟住指示方向轉六吓就會將麵餅轉入個杯內。
然後就揀湯料同餸料
揀完湯底味就可以揀四樣餸。
入好餸就封蓋
跟住就入膠袋
再放入哩部機到將膠袋壓縮好。
轉眼三個獨一無二嘅杯麵就完成嗱！
再將佢放入一個吹漲咗嘅袋裡面就唔怕杯麵被壓扁。
送禮自用皆可！ 哈...哈！影完相就將袋放返氣嘞！因為咁樣唔上得飛機啊！
到我哋做完行返出嚟，已經見到好長嘅人龍排隊DIY啊！我睇過有啲BLOG友話要排兩個鐘呀！所以早嚟有著數呀！
喺館裡隨意咁走走
哩個模型幾得意啊！
哩個包裝係比太空人帶上穿梭機上比太空人食用啊！
安藤百褔先生當初就只係用一輛流動車去賣杯麵。
日本第一部販賣杯麵嘅販賣機。
模擬安藤百褔先生發跡嘅地方。
喺到都停留咗成兩個鐘，離開時已經到午飯時間，出到車駅附近見到有間一風堂，所以我哋就入去試吓嗱！
一風堂而家香港都有分店啊！
特製拉麵，好好味！
白丸拉麵，好好好味！
續...2012京、阪、神發花癲之行 (Day 6.2) @通天閣
沒有留言:
張貼留言