Day 7.3 @難波 (2012京、阪、神發花癲之行)

返到難波先返上酒店放底嘢休息一陣後，就出發去心齋橋嘅一蘭拉麵食晏嘞！
哩間拉麵店喺日本有好多分店，但喺大阪就只此一家。由於正值食飯時間，所以都幾多人等位，當日所見唔單只係遊客，當地嘅白領同學生都會幫襯啊！

此店只售一種食品，所以雖然人多，但流程都好快，等嘅時間都唔係太耐。

排隊時會有一個夾住訂菜單嘅膠板由龍頭一直傳，每人按照自己嘅喜好去揀拉麵嘅軟硬度、湯嘅濃度等。

睇唔明日文就問服務生攞張中文或英文版本，我哋緊係攞中文啦！

排到入店內，先喺售票機買票。

基本上只有一種麵可以揀，而其他嘅就你加蔥、加蛋、加蒜同麵加大等。

買咗票都重未入得座咖！睇吓哩個座位表，全場二十個座位，大家喺外面等位嘅時候亦可清楚見到入座嘅情況呀！

入得嘞！

一人一格！好似圖書館嘅自修室咁呀！亦都有人話係自閉麵呀！點解...？

當坐底後，只須要將頭先畫好嘅訂菜單喺哩個窗口交比服務員，全程唔到服務員個樣，當然服務員都唔會見到我哋啦！

當麵送到嘅時候，佢會將垂簾放下，咁大家就可以喺個格裡面安安靜靜咁食自己嘅麵，食相係點都無人睇到，亦無人理你呀！

麵到嘞！之前喺網山睇過好多一蘭嘅評論都讚不絶口，哩日自己終於可以一嚐味道，果然唔係浪得虛名啊！自己嘅意見拉麵一幸舍同一蘭都差唔多，义燒就一幸舍嘅鬆化香口，但湯底就以一蘭略為美味。哩兩個都係我食拉麵嘅至愛啊！四天王、金龍真係要行埋一邊呀！

努力咁想連湯都飲晒，但真係太飽呀！

食飽飽就緊係要行吓消化吓啦！行去邊...心齋橋同道頓堀前兩日都行過嘞！咁就行吓道具街啦！

白天下嘅激安之堂，就係喺一蘭隔離咋！

街頭不時有打扮成公你嘅人做宣傳，總覺得佢哋比香港做得落力呀！

星期六嘅下就，街上人頭湧湧呀！

哩條街主要係賣一啲飲食行業用嘅食具、擺設。如果對整蛋糕或整嘢食有興趣的話，都會覺得哩條街幾多嘢睇咖！我整嘢食唔叻，但見到一啲廚具用品都覺得幾得意啊！

哩個串燒爐細細個好似幾好玩咁喎！

上一次嚟已經見過哩間手信店，發覺哩到賣嘅嘢又齊又底，重同自己講下次有機會喺哩到買手信就得嘞！點知今次又唔記得咗，前一日喺溵安之堂入晒貨，見到佢先諗起要打自己呀！

價錢都幾底！

比激安之堂重平喎！

行完道具街就會見到0101 同埋難波CITY

不過我哋對行公司都無興趣，反而無意中入咗去哩間100円店，最初都唔知係100円店，只係覺得奇怪點解所有貨品都無價錢，後來問啲工作人員先知原來除特別標價貨品外，所有貨品都係100円。媽咪同細妹都買到嘢呀！

行完出嚟都確實幾攰，行街果然唔係我嘅強項，再加上不竟行程都去到尾聲，哩幾日都行咗我成年嘅路，所以真係開始頂唔住啦！好彩我哋勝在酒店近，大家商量後一於先返酒店休息吓先再出去食晚飯。

返到酒店諗起酒店平台嘅花園都幾靚，於是又去八卦一吓！

花園種滿好靚嘅花呀！

夜晚水池開咗燈都幾靚幾有氣氛啊！

休息一輪後又再出動食晚飯，本來自由軒都係我目標之一呀！佢就喺酒店樓下前少少咋！

但細妹話好卦住前一晚啲拖羅，講真返到香港要食啲咁新鮮嘅拖羅比較難同比較貴，而且大阪都有排唔會再嚟，咁就唔好卦嗱！想食就去食啦！於是是日晚飯encore魚心壽司。

我至愛嘅海膽啊！

實在太美味嗱！

拖羅緊係唔少得啦！

哩個店長推介，尤魚壽司，不過叫嘅時候全場只係淨返兩份咋！

帶子依舊肥美爽口。

哩個係季子限定嘅鯛魚，係4月至6月先有得食喎！好鮮甜嘅魚味呀！唔錯！

又好滿足咁食飽一餐，係時候返酒店收拾行李同心情準備返香港嘞！

續...2012京、阪、神發花癲之行(Day8.1)@黑門市場