動物園駅嘅月台畫滿晒得意嘅動物圖案
出口指示好清楚呀！
出咗駅後喺哩個回転燒前轉入下面嘅隧道就會見到一條好懷舊嘅小巷。
第一眼就見到Billiken啊！
四周圍都係用Billiken做生招牌呀！
哩條窄窄巷裡面有好多串燒店，而且剛啱係食午飯時間，好多店舖都要排長龍呀！
睇到啲舖頭好似似曾相識咁呀！
巷內有好多祺舖，裡面都坐滿晒人喺到捉祺呀！
哩啲聽聞係許願鎖，但實際係點許願我就無去研究啊！反正我都唔信哩啲嘢！
過咗ヅャンヅャン町 後就會見到好熱鬧嘅大街嘞！
見到好似好熟嘅街道，但我係未嚟過啊！
見到通天閣啦！
其實嚟哩到除咗通天閣係大阪有名嘅景點之一外，最主要嘅原因係我讀書年代睇過一套日劇叫孖生姊妹，兩姊妹同佢哋屋企人所發生嘅事就係喺天下茶屋通天閣。Poster亦係用通天閣做背景咖！所以我一入到哩個範圍就有似曾相識嘅感覺啊！
記念品有好多，但都吸引唔到我買啊！
去到通天閣樓下已經出現人龍嗱！
通天閣是位於日本大阪府大阪市浪速區的一個瞭望塔。為日本的登錄有形文化財產。
由1樓連接到2樓的電梯是圓柱形，通天閣是世界上第1個採用圓柱形電梯的建築。2樓有商店。3樓陳列展示100年前的新世界、通天閣等的影像及照片，4樓與5樓是瞭望台。
升降機門幾靚喎！
本以為都係廿幾人啫！點知上到二樓嘅售票處買票去四樓展望台時寫住要多等35分鐘呀！
排隊排到傻吓傻吓！可能下就天氣好，真係好多人，重有好多學生團，由二樓去四樓得兩部升降機，所以搞到大排長龍。
不過上到展望台望出去又覺得幾值得啊！哩日個天好清，可以望到好遠好遠嘅景啊！
排咗大半個鐘，但睇咗十幾分鐘就返落去啊！升降機內有Billiken嘅公仔呀！
原本Billiken喺安放喺五樓展望台，但我哋去嘅時候五樓做緊修葺工程，所以將佢搬咗落三樓。
日本全國的福神「Billiken」(ビリケン)，據說摸Billiken可以得到好運。Billiken自1912年被置在此，據說原是美國1名女藝術家E.I.Horsma在1908年某夜夢到的尖頭怪神，醒來後她將之畫出，就這樣Biliken流行全美國。據說Biliken的笑容代表慈愛和財富，坐姿代表自由和祝福，只要撫摸其腳部，所許的願望就會成真。可以睇到Billiken嘅腳板底被人模到凹晒呀！
同Billiken影完相喺三樓陳列展示廳行咗一圈，好似無咩特別嘢睇，所以就走嘞！
落到嚟條人龍又長咗啊！
等我喺塔底影返張相先
個天藍影啲相都特別靚啊！通天閣我今次終於見到你嗱！我哋後會有期。
原本諗住行吓通天閣本通之後就喺惠美須町駅走，但原來成條街都十室九空，所以我哋最後都係行返回頭路去返動物園駅離開。
沒有留言:
張貼留言