〒389-0102 長野県北佐久郡軽井沢町軽井沢1178-1135
TEL：0267-41-1511
セミダブル(禁煙室) ：9,600円(税込・サービス料込)
(木漏れ日朝食バイキング付)
利用ポイント ： 6,400 -> 3,200円(税込・サービス料込)
原本打算訂一間溫泉酒店，但基於喺上野酒店嘅預算用多咗，而且喺輕井澤嘅溫泉酒店位置唔太理想，多數距離車駅或旧軽井沢都幾遠，所以最後都係住返最近車駅嘅APA Hotel。好似每個行程都要住吓哩個集團嘅酒店咁啊！不過哩間無大浴場。
最初訂不含早餐嘅 Plan，但因為我會扣六千多嘅積分，剩數係六百多円，好似怪怪咁，而且我哋到達嘅時間係軽井沢嘅淡季，好多店舖都未開，味の街亦十一點後先會營業，所以最後都係訂包早餐嘅Plan。
由軽井沢車駅北口出，五分鐘就可以到，好方便。
細細嘅酒店大堂
餐廳喺大堂下一層
酒店樓高三層，當日被安排住三樓，即係頂樓呀！走廊幾開揚。
哩間酒店啲門同上野谷丸酒店一樣係金屬，所以都好重啊！
小小嘅房間，因為係頂樓，所以樓底好高。
又係一個啤出嚟嘅小小浴室
有齊基本設備
同埋房嘅窗係可以打開，軽井沢夏天嘅溫度都唔會太高，所以空調只有暖房調校。個窗可以打開就無咁焗。
酒店餐廳喺B1，餐廳座位唔多，不過相信都足夠應付酒店客人。
早餐提供嘅食物種類唔算太多，但要食得飽都應該無咩問題。
哩個係製冰機，啲一粒粒嘅冰仔會喺左右兩個出口都走出嚟啊！幾得意呀！
有我同大笨蛋至鐘意食嘅海藻啊！
沒有留言:
張貼留言