07:10~09:05 | 新宿高速バス | 新宿高速バスターミナル → 河口湖 1,750円
09:40~09:51 | 河口湖周遊レトロバス | 河口湖駅 → 遊覧船・ロープウェイ入口 220円
10:05~10:10 | 天上公園纜車 | 河口湖畔駅 → 天上公園 (往復) 720円
10:50~10:55 | 天上公園纜車 | 天上公園 → 河口湖畔駅
11:26~11:30 | 河口湖周遊レトロバス | 遊覧船・ロープウェイ入口 → 眺望逆さ富士 160円
11:55~11:59 | 河口湖周遊レトロバス | 眺望逆さ富士 → UKAIオルゴールの森 220円
11:55~11:59 | 河口湖周遊レトロバス | UKAIオルゴールの森 → 山梨宝石博物館・河口湖 220円
11:55~11:59 | 河口湖周遊レトロバス | 山梨宝石博物館・河口湖 → 浅川温泉街 160円
(交通收費及詳細資料請往實際交通篇)
酒店：湖楽おんやど 富士吟景
離開UKAIオルゴールの森時個天烏雲密佈，自己諗終於可以見到富士山，要去幾個戶外地方亦順利完成，哩刻開始落大雨咩都睇唔到我都心滿意足了。
嚟到山梨宝石博物館，哩到係因應大笨蛋要求而嚟，因為佢好鐘意水晶，對水晶有啲研究，所以當編排行程時見到有個咁嘅博物館，就將佢排埋入嚟。
館內分兩個地方，出面係售賣水晶手飾嘅地方，有啲遊客，裡面喺水晶博物館，除咗票務員坐喺門口外，完全無人。
裡面有好多展品，令大笨非常興奮。但我淨係識白晶，紫晶。
哩嚿金髮我都識，好靚喎！
山洞裡面有嚿好大嘅白水晶呀！
逗留咗個幾鐘就離開返酒店，由於朝早已經辦好入住手續，所以一到酒店就有職員正接帶我哋上房。
講開哩間酒店職員，我之前上網睇資料時，有人話佢哋揸車嚟，一泊好車，職員就走埋嚟迎接佢哋，重識稱呼佢哋。我哋係早一個駅落咗巴士，所以要沿住湖邊行一段路先到酒店，但都未到酒店門口，有個上咗年紀著住酒店外套嘅伯伯撐住把遮行過嚟，當時重有成間酒店位未到，我同大笨蛋講唔知佢係咪知道過嚟接我哋！大笨蛋重話我諗多咗，話口未完伯伯埋到嚟叫我哋チョウさん(趙小姐)，大笨蛋堂當無語。由於當時幾大雨，我哋得一把遮，所以都揼到濕晒，啲女將即刻攞毛布比我哋擦頭幫我哋擦去衫上嘅雨水，好殷勤啊！
上到房換晒啲濕衫後本想先去浸一吓溫泉再食晚餐，不過因為我哋晏就只係食咗一個飯團，當時都幾肚餓，肚餓係唔適合浸溫泉，所以我哋落去小賣店睇吓有咩可以買嚟食。但小賣店除咗記念品外，就只有杯麵，於是就買兩個杯麵返上房食咗先去浸溫泉。
浸完溫泉返房抖一陣就到晚飯時間，一向我哋對溫泉酒店嘅餐點都不寄予厚望，不過哩餐啲食物都算係正常，可以放得入口啊！
前菜
哩個係帶子嚟咖！重有少少金薄喺面，好似好名貴咁啊！
通常佢哋嘅刺身係全個餐裡面最出色的啊！
啲飯好哋哋落咗啲調味喺面就怪怪哋啦！
亞媽平時唔會要啲菜花，佢哋攞嚟煮湯。
最好味就係哩份甜品，有水準！
士多啤利糯米糍
蕉糖雞蛋布丁，巧痴！
食飽飽抖一陣再去浸一轉溫泉，浸完溫泉飲返啲凍飲真係好爽啊！哩個波蘿汁好好飲，但只喺酒店買過，之後去便利店或超市都搵唔到啊！
一日行程又完成啦！多年嚟富士山心願己成，其實都覺得此行無憾，外面雨越落越大，溫度亦都降咗好多，當時覺得第二日都應該會唔好天啊！所以都無特別校早起身鬧鐘睇富士山。
佢哋話個飯係自家original㗎。我鍾意有味飯呀。
回覆刪除係呀！但我個人就嘛嘛哋囉！我都係鐘意白食多啲！ ：）
刪除間酒店係咪知道你會搭o個班巴士ga? 咁勁既
回覆刪除佢哋應該唔知, 而且我都唔係喺酒店前嘅車駅落車，佢哋真係好勁咖！重要住一晚, 第二朝大部份職員已經識叫你咖啦！
刪除