Day 4.1@富士吟景逆富士

2015年3月17日 / 星期二 (第四天)
10:05~10:15 | 酒店穿梭巴士 | 湖楽おんやど 富士吟景 → 河口湖駅  無料
11:20~12:26 | [普通]富士急行 | 河口湖→ 大月 1,140円
13:04~14:05 | [特急]かいじ110号 | 大月→ 新宿 (指定席) 2,970円
15:06~15:31 | JR 山手線(外回り) | 新宿 → 上野 200円

(交通收費及詳細資料請往實際交通篇)
酒店：上野ホテル丸谷

四點幾五點起身睇吓可唔可以睇到富士山，但窗外白茫茫一片，所以就繼續瞓。

到六點幾起身。景象依舊無咩進展，當時覺得都係見唔到富士山咖啦！不過前一日都已經好滿足啦，算吧！不要強求，於是先去浸溫泉再去食早餐。

係一片濃霧中浸溫泉其實都另一番味道。

浸完溫泉返到房，一打開門見到濃霧背後有個好藍嘅天。

雖然只係蒙蒙一個影，當時已經覺得好開心。

重即時倒返杯剛剛買嘅波蘿汁出嚟坐喺窗邊邊飲邊欣賞。

坐到夠鐘食早飯時間，我哋就到二樓餐廳。

去到餐廳坐位已經準備好，當時同大笨蛋講如果天氣好，係可以對住富士山食早餐。不過當時只係白白一片霧，富士山又匿埋咗啊！

早餐幾豐富，有湯、有飯、有燒魚。

白飯任裝

沙律

一片尤魚刺身

南瓜湯麵條 ~ 好好味啊！

燒魚

豆腐

蒸水蛋

麵豉湯

唔記得係咩嚟啊！

正當好專心咁同啲早點影相之際，突然窗外出現另一番景象。 

厚厚嘅霧開始消散，不單富士山慢慢咁出現，連逆富士都好似可以見到。

雖然重有一層霧阻隔咗喺中間，但我都已經覺得好震撼，好靚！

餐廳內除咗工作人員外，大部份客人都走到窗邊欣賞咁靚嘅景色。

影咗輪相之後返埋位繼續我哋嘅早飯。但當我燒燒吓條魚，富士山又再比之前清晰地出現喺我面前。

霧漸漸地散去。

藍天襯托下嘅富士山開始越嚟越清楚咁走出嚟，不過因為隔住塊玻璃所以影到反光嘅燈。

跟住有人開咗隻窗伸手出去影靚影，我當然唔拾輸照跟。短短數分鐘，所有霧氣都散晒，可以清清楚楚見到可愛嘅富士山同逆富士。

可能景色實在太美，有人不單只開窗重走埋出去出面平台，雖然當時係赤腳，我亦豪不考慮照走出去。因為我知道逆富士唔會維持好耐，當湖面一有風或有船行逆富士就唔會再出現。
所以我知道哩個行為唔係好啱，但我都係忍唔住走咗出露台。

影完相之後返入餐廳，因為戶外地方赤腳，所以女將見我哋一返入去就送上毛布比我哋抺腳，當時真係有啲覺得唔係幾好意思啊！

因為已經影咗心滿意足嘅相，所以跟住落嚟就可以安心咁食埋個早餐，好彩條魚都無燒燶咗！

食完早餐，見到個逆富士重好清晰咁停留喺湖面，雖然當時得八、九度，而我哋又只係著住件浴衣，但都走去酒店對面嘅湖邊影相。

實在靚到都不能以筆墨形容

 嚟張全景照先

雖然得八、九度，但當時嘅太陽都幾猛烈，所以一啲都唔覺得凍啊！

酒店職員都走出嚟幫我同大笨蛋影咗好多合影呀！ 有啲船仔經過，不過都行得好慢，所以無引起波浪。

影咗都成半個鐘，我哋就返上房執嘢準備離開。 但對住窗外嘅影色真係有啲依依不捨啊！

坐一陣發呆吓先，水面開始有快艇，同埋湖邊有幾個出水位令湖面開始有波文，逆富士也漸漸消失啊！

影多幾張就真係要走啦！

.... Day 4.2 @河口湖駅、新宿、上野