09:10~10:19 | (北陸新幹線) あさま605号 | 上野 → 軽井沢 (指定席) 5,900円
12:19~12:38 | (草軽バス) 軽井沢と草津温泉 | 旧軽井沢 → 白系の滝 620円
13:10~13:29 | (草軽バス) 草津温泉と軽井沢 | 白系の滝 → 旧軽井沢 620円
(交通收費及詳細資料請往實際交通篇)
酒店：アパホテル＜軽井沢駅前＞軽井沢荘
一早起身到浴場浸咗一輪就食早餐，嚟到日本好鐘意飲哩個牌子嘅咖啡！
跟住到酒店大堂寄存好大件行李後就前往JR駅坐新幹線前往軽井沢。首先利用JR Kanto Pass先喺JR Information通道走過。
睇睇指示牌，我哋坐嘅班次重未出現。 頭兩班係新開出由東京至金沢嘅列車！
問咗職員，我哋上車嘅月台都係19號。
根據指示牌行去19號月台，重要再入多次新幹線嘅入口。
入咗新幹線閘口後就見到水牌出現咗我哋要坐9:10開出嘅列車。
由JR閘口行到去新幹線嘅月台都幾遠，所以要預鬆少少時間。沿途都會有電梯可以利用。
去到月台，唔太多乘客，而且我哋係劃咗指定席，所以都唔需要太早去排隊
車駅有好多唔同型號嘅列車駛入。
有啲好似條接吻魚咁，去到指定車駅就會分道揚鑣。
有啲有兩層咖！
好夠鐘上車，一個多鐘嘅車程，瞓醒一個覺又到了。
軽井沢，濶別多年，我又嚟到啦！
同列車Say Goodbye後就出閘嘞！
酒店由北口出，我哋先往酒店放底手提行李。
出口旁邊有Information Center，裡面可以索取地圖，如果未訂酒店的話，亦可向職員攞資料或幫忙打去酒店訂房，上次我同朋友嚟三日兩夜無預先訂房，都係嚟到喺到攞資料後再Walk In去民宿訂房。
到中心確定咗開出到白系の滝嘅巴士時間。
不過巴士嘅班次好疏，啱啱走咗一班車，下一班要個多小時後先開出。
所以決定先步行往旧軽井沢銀座通り睇吓嘢先，喺車駅南口出，過咗馬路後直行半個鐘可以到達旧軽井沢銀座通り。
上次嚟嘅時候車駅附近啲手信店都變晒地產公司。
由於去嘅時候係軽井沢嘅旅遊淡季，沿途見到好多店舖都休息無做生意，有啲三月尾先開始營業，有啲四月先開舖，所以條街好冷清啊！
行咗半個鐘去到旧軽井沢巴士駅。
雖然得十度，但都行到有少少熱，食杯雪糕降吓溫先！
本來想食哩間舖嘅香腸咖！不過要四月先開始營業，無得食添！
旧軽井沢銀座通り
哩間係旧軽井沢森ノ美術館，上次嚟入去玩咗幾個鐘，而家好多地方都有得玩，香港都有幾個哩啲3D館，大笨蛋話佢無興趣，所以就過門不入啊！
哩間賣啲燒米餅好香啊！
又有雪糕賣，不過食唔到啦！
哩間賣蜜糖嘅店舖都無開，重有係啲果醬店都全部無開，重等我諗住買返一兩罌添！無得買啊！
聖誕節過咗都幾個月，但重見到好多聖誕擺設。
聖誕老人頭
軽井沢教室
哩間啲布丁好出名，之前睇電視都旅遊節目都介紹過。
差唔多夠鐘就行返去巴士駅等車嘞！
沒有留言:
張貼留言