Day 2.1 @ 池田インスタントラーメン発明記念館

2015年07月12日 / 星期日 (第二天)
08:27~08:35 | 大阪市営御堂筋線 | なんば → 梅田  240円 / 120円
09:00~09:19 | 阪急宝塚線急行 | 梅田 → 池田 270円 /140円
12:48~13:08 | 阪急宝塚線急行 | 池田 → 梅田 270円 / 140円
13:22~13:35 | 大阪市営堺筋線 | 梅田  → 動物園前 240円 / 120円
15:26~15:30 | 大阪市営中央線 | 動物園前 → なんば 180円 / 90円

(交通收費及詳細資料請往交通篇)

酒店：クロスホテル大阪 (Cross HoteOsaka)

一早食完早餐就出發去池田日清杯麵館，哩個館我前年去過，今次都係為咗小朋友而再重臨舊地。

 由難波去梅田再轉車往池田

上次嚟行錯咗方向，今次望清楚地圖先出發。

出駅後應該轉左，哩次無搞錯啊！

行到哩個路口轉入去直行就係嘞！當日太陽好猛烈，戶外不宜苟留呀！

見到日清嘅原創者，到啦...到啦！  池田インスタントラーメン発明記念館

入到館內先經過一排長長嘅杯麵歷史通道。

由於哩日係星期日，除咗遊客外，都好多本地人帶小朋友嚟，所以我哋都先直入去排隊畫杯麵先！  真係好多人啊！

好彩都係排咗十幾分鐘就可以安排入座。

首先買個裝麵嘅杯

工作人員會幫你喺杯上襟蓋，以確保杯內清潔。

 我哋三個人可以自己坐一張枱，枱上有畫筆供應。

我嘅畫功一向麻麻，同前年嚟一樣無進步呀！ (上一次杯麵館分享)

小朋友畫得好開心，睇到佢開心我就開心啊！ 畫好就排隊裝麵嘞！

工作人員將杯套上機器，我哋喺出面轉動手制六吓，麵餅就裝入杯內。

 跟住揀餸

有好多餸係哩到限定，市面無咖！

好似哩個日清雞仔魚蛋同埋左上角嘅茄子都係哩到限定啊！

三個人畫咗四個

每人可以揀一種湯底四種餸

揀好餸等封蓋

話咁快就封好啦！

過埋膠

Heat 一 Heat

搞掂

我嘅手畫杯麵出爐啦！可以將包裝打氣吹漲，不過我唔玩哩啲啦！

搞掂就四周圍行吓，有啲簡介日清杯麵發展過程。

日清雞仔係哩個品牌嘅代表

二樓係做麵嘅體驗班，參加需要預先預約，因為我諗住要識聽日文先可以知道人哋教咩，所以都無同佢哋報，但睇到裡面情況，其實人哋做咩跟住做，唔識聽都應該無大問題，真係有啲後悔添！

見裡面玩得幾開心啊！一個唔錯嘅親子活動。

可能今日星期日人多，二樓都安排咗個地方比人畫杯麵。可以疏散人流。

行完就去睇吓有咩記念品可以買。

哩個雞頭幾襯我，哈...哈！

睇完又到午飯時間，因為行返出嚟先會經過一風堂再到車駅，所以順理成章喺到食埋晏先搭車去下一個行程。

日本嘅一風堂有好多配菜任食，我最鐘意食佢哋嘅牙菜。

表妹鐘意食佢嘅姜

叫咗拉麵

小朋友今日有興緻要食飯呀！ 加個餃子添！

簡簡單單又一餐啊！

主頁：2015' 大阪、奈良暑假五天行
前一頁：Day 1.2 @ 大阪海遊館

後一頁：Day 2.2 @ 天王寺動物園