Day 4.1 @ 奈良公園

2015年07月14日 / 星期二 (第四天) 利用近鐵周遊券一日版
08:51~09:29 | 近鉄難波・奈良線快速急行 | 大阪難波 → 近鉄奈良560円 / 280円
09:50~10:00 | 觀光巴士 | 近鉄奈良 → 東大寺大仏殿‧国立博物館 210円 / 120円
11:58~12:03 | 70 號巴士 | 東大寺大仏殿‧国立博物館 → 近鉄奈良 210円 / 120円
12:16~12:32 | 大阪難波急行 | 近鉄奈良駅 →大和西大寺 200円 / 100円
13:33~14:05 | 大阪難波・神戸三宮快速急行 |大和西大寺 →大阪難波 560円 / 280円

(交通收費及詳細資料請往交通篇)

酒店：クロスホテル大阪 (Cross HoteOsaka)

我習慣一早起身會開電視睇天氣報告，奈良35度，我真係有啲想暈底呀！無論如何，出嚟玩不能懶惰，食個簡單早餐又出發嘞！

由於由難波出發，所以可以坐近鉄奈良直達奈良，無須轉車。哩程係成個旅程最長嘅車程，要四十幾分鐘先到。

車駅內擺放住奈良嘅代表 ~ 鹿公仔比遊人影相呀！

車駅內有清楚嘅指示牌指示搭車或徒步往奈良公園、東大寺等景點。我哋跟住指示行，出口一出嚟就見到巴士駅，無論觀光或市內巴士都係210円一程。

好快就到咗東大寺喺奈良公園嘅入口，遠距離已經見到好多鹿，我喺blog睇過唔同季節嘅鹿，夏天佢哋啲毛色會靚啲咖！

不過我真係有啲驚，因為見到啲鹿真係會搶人哋食物咖！我喺馬騮山比馬騮偷襲過，所以有陰影呀！

啲鹿一見有人攞住食物都瘋湧而至，你都咪話唔驚！

好彩啲鹿好叻，見到我哋伸開兩手完全無食物，理都費事理我哋呀！

我哋一邊影相，一邊向東大寺方向行去，先經南大門。

過咗南大門後再直行就會見到東大寺。

但我無諗住入去參觀，因為網上已經睇咗內部情況，覺得唔係好啱我哋睇，所以只係到門口影張到此一遊就算吧！

東大寺 (文章來自：日本見聞錄)
東大寺是華嚴宗大本山，也稱為「金光明四天王護國之寺」，是由信奉佛教的日本聖武天皇在728年大筆投資興建，距今約有1,200餘年的歷史。聖武天皇當時在日本各地興建68餘座國分寺，東大寺是階位最高的總寺院。由於位於平城京的東方故取名為東大寺。東大寺的正尊是「盧舎那佛」，俗稱「奈良大佛」，高15公尺以上、總重380噸，是世界最大的青銅佛像。東大寺除了著名的大佛殿外，還有南大門、二月堂、三月堂、戒壇院、鐘樓等優美木造古蹟。南大門有著名的雙體金剛力士像。由二月堂可以寮望大佛殿和奈良市區。世界遺產。

再喺公園內影吓相，如果唔係熱得咁緊要，哩到影相實係好靚。

公園通道上有幾間手信店，可能時間尚早，所以店內無咩人，每間行吓睇吓，反而哩到用嘅時間重多，同埋最主要係店內有冷氣，出面35度高溫真係想ccccccc呀！

而且我一向都鐘意行吓土產店。

行逛完就喺行返去巴士駅坐巴士返回奈良車駅。

原本係直接坐車返難波，但因為前兩日買咗新鞋試著完確實好著，深深愛上後，上網查到奈良有分店喺奈良近鉄百貨裡面，既然嚟到緊係要走返一轉啦！最初以為百貨店係喺奈良車駅旁，問詢問處後先知原來要坐兩個駅去大和西大寺，我哋有PASS任坐，無所謂。於是就向大和西大寺出發‧

因為之前無計劃嚟哩到，所以無做功課，落咗車喺月台完全唔知方向，哩到又唔係景點區，所以唔係太多指示牌，當我尋尋覓覓嘅時候，車駅內有幾個車長喺我身邊行過，其中一個走嚟問我想去邊，我突然好似痴咗線咁完全唔識答，淨係識話Shopping Mall，因為唔記得奈良同近鉄英文，不過車長都指到方向比我知，咁我就返轉頭叫埋表妹同朗朗由月台落嚟一齊行，但車長好似重唔放心，再埋嚟問一次我去邊，哩次個人清醒返，識得喺袋裡面攞紙筆出嚟寫奈良近鉄百貨比佢睇，佢就好滿意咁指住之前個方向話無錯嘞！

出咗駅過馬路轉右就到，非常方便。

真係好彩有嚟到，哩到啲鞋款重多過難波0101呀！

真係巧令呀！

買多兩對後就好滿足咁坐車離開嘞！

主頁：2015' 大阪、奈良暑假五天行

前一頁：Day 3.2 @ 環球影城

後一頁：Day 4.2 @ 心齋橋