Day 3.1 @ 環球影城

2015年07月13日 / 星期一 (第三天)
08:59~09:08 | [阪神]なんば線 | 大阪難波 → 西九条  200円 / 100円
09:16~09:21 | [ＪＲ]桜島線(ゆめ咲線) | 西九条 → ユニバーサルシティ 180円 / 90円
20:37~20:43 | [ＪＲ]桜島線(ゆめ咲線) | ユニバーサルシティ → 西九条 180円 / 90円
20:51~20:59 | [阪神]なんば線 | 西九条 →大阪難波 200円 / 100円

(交通收費及詳細資料請往交通篇)

酒店：クロスホテル大阪 (Cross HoteOsaka)


今日得一個行程 - 環球影城，因為已經買好咗入場劵同Fast Pass (5)包Harry Potter入場，所以唔使一早去樂園門口排隊。照常八點幾出發，不過去到西九条轉車時就發覺車上八成人都係去環球影城。

我跟團去過哩到兩次，自遊行從來無諗過排佢入行程，不過哩次又係嗰句，有小朋友就一定要嚟哩到，而且表妹都未嚟過，咁就一齊嚟玩吓啦！

由難波去環球影城有幾個搭車方法，我揀咗轉車比較少嘅阪神路線

 去到西九条轉車再坐兩個駅就到

一出駅已經人頭湧湧

當日9:30開園，我哋9:20到都差唔多啦！

喺門外影咗一陣相就可以入場，入到去有一隊工作人員幫遊人喺面上畫公仔，當然要比錢啦！2000円可以揀畫冊裡面嘅公仔，朗朗揀咗佢近期最鐘意嘅迷你兵團。

個樂園話大唔大，但要每個角落行晒都幾攰囉！

第一個Game睇咗芝麻街

跟住去玩Spiderman，哩個係我上次嚟排唔到，今次有Fast Pass包哩個遊戲，所以不能錯過。

有Pass感覺真係好爽，睇住隔離條長長嘅龍轉嚟轉去，我哋就通行無阻。

唔使十分鐘已經去到上車位置啦！成個過程都幾刺激，但我自己覺得幾好玩。

遊戲玩完出嚟一定有記念店

 

玩完Sipderman就跟住大白鯊，哩個Game唔算刺激，但朗朗勁驚火，佢食燒牛對住個爐佢都好緊張。

搵咗陣，終於搵到大白鯊地點。

有Pass又係好快就可以上船玩啦！不出所料嗰個爆炸著火位就嚇到朗朗呱呱叫啊！

遊戲完咗喺餐廳抖咗陣食啲嘢先再繼續行。當時士二點幾，Harry Potter兩點入園，個幾鐘去邊，不如去Snoopy Town啦！嗰到啱小朋友之餘可以入去避吓猛烈嘅陽光，真係好似火爐咁曬落嚟，好難頂啊！

裡面有個迷你過山車，好啱朗朗玩，但佢都叫都CCCCCC，我開始擔心佢點玩Harry Potter呢！

其實館內啲公仔好得意，但可能之前大家都太熱，而且好多人，所以都無咩心機影相。

影咗一陣又出去行吓！ 哩個Kitty饅頭好靚啊！

路過Kitty Land

 到咗兩點，終於可以入Harry Potter樂園，超多人。

又多人，又熱，對住咁靚嘅影都無晒心機影相。

兩點三可以入去玩遊戲，去到見到龍尾寫住要排四個鐘，真係人都癫，有Pass又係一直向前行，好快就去到Locker區，要將身上所有嘢鎖喺Locker到，包括手機、相機。我帶咗個細細拉錬袋扣住喺個褲袋到，不過玩遊戲時個安全帶(架)係會有少少卡住唔舒服。

鎖好嘢就繼續向上行，所有經過嘅地方都係戲中裡面嘅場境，如果係Harry Potter Fans一定會好開心。可惜我哋三個都唔係。

哩頂帽我都記得，會講哩咖！

個遊戲好刺激，轉到我好頭暈，有啲太驚都無張開眼，不過我覺得最正係頭同尾段模仿主角坐住掃把喺天空同海面上飛，個感覺好正！

出到嚟真係實在太熱，身上兩枝水都飲晒，所以要買枝茶同冰波蘿消暑，但條波蘿太冰，完全食唔到咩味。

 人哋喺Harry Potter裡面停留幾個鐘，我哋連玩連睇半個鐘搞掂返出嚟！首先大家都唔係Harry Potter迷，二係天氣太熱，園內人太多，三係朗朗個心去咗迷你兵團爆谷到，佢好擔心晏咗會買唔到。

主頁：2015' 大阪、奈良暑假五天行

前一頁：Day 2.2 @ 天王寺動物園 

後一頁：Day 3.2 @ 環球影城