Day 2.2 @ 天王寺動物園

2015年07月12日 / 星期日 (第二天)
08:27~08:35 | 大阪市営御堂筋線 | なんば → 梅田  240円 / 120円
09:00~09:19 | 阪急宝塚線急行 | 梅田 → 池田 270円 /140円
12:48~13:08 | 阪急宝塚線急行 | 池田 → 梅田 270円 / 140円
13:22~13:35 | 大阪市営堺筋線 | 梅田  → 動物園前 240円 / 120円
15:26~15:30 | 大阪市営中央線 | 動物園前 → なんば 180円 / 90円

(交通收費及詳細資料請往交通篇)

酒店：クロスホテル大阪 (Cross HoteOsaka)

第二個行程係天王寺動物園，其實我對動物無咩興趣，有睇開我個BLOG嘅朋友都應該發覺我鐘意去公園 、花園，都無去過動物園，不過通常哩啲地方都啱小朋友，所以就嚟走一轉吧！

出咗駅向右行就喺動物園，直行可以去到通天閣，不過我上次到訪過，小朋友會覺得悶，所以今次就唔去啦！

好快就到咗啦，原來今年係動物園嘅100周年喎！

買票先

天王寺動物園  (文章來自：U Travel)
大阪最著名的動物園，飼養了 230 種 930 隻動物，當中包括天王寺動物園獨有的瀕臨絕種鳥類鷸鴕（幾維鳥）。2006 年翻新後增加了非洲草原區，仿造了非洲的生態環境，另外亦有亞洲的熱帶雨林動物和場景展示，讓遊客彷如置身其境。

我鐘意叫佢哋就高腳七咖！

哩隻唔係真咖！係比人影相嘅假河馬。

哩隻咩嚟咖? 淨係影到佢Pat Pat同條尾咋！

當日天氣好熱，又正值中午時份，陽光曬落嚟其實都幾辛苦，所以好多動物都喺陰涼地方唔出嚟，哩隻老虎都沉咗好耐水先肯企起身一陣。

兩隻大角羊呀！

哩兩隻喺室內涼冷氣，都懶得睬你呀！

個樣好威嚴呀！

神鵰大俠呀！

我好似第一次見到班馬咋！佢哋啲毛色好靚，個身立立令咖！

長頸鹿都好少見

睇埋長頸鹿就行咗公園一圈，真係熱到支持唔住啦！離遠已經被哩兩個檔吸引過嚟呀！

士多啤利冰

士多啤利雪糕，即時買嚟降溫呀！

抖咗陣就坐車返難波，行咗陣地下街同0101，目標係買鞋，哩個牌子係表妹介紹，真係超好著，兩個人一口氣買咗五對，全部Made in Japan，真係好抵買。

又一輪掃貨後又返去酒店沖個涼、瞓一陣就去酒店對面嘅北極星食蛋包飯。

當晚都幾多人，先證記等安排入座。

同樣地入店先除鞋，將鞋鎖入櫃內。

巧合地被安排坐返上次同B女媽咪大笨蛋一樣嗰張枱。

餐牌列明每人必須至少點一個餐，不過小朋友食唔晒同媽咪share應該唔計啩！而且我哋都叫多一份炸雞，所以都算點三份食物。

哩份炸雞喺網上見到人哋推介，個樣好似幾得，所以我都試吓，果然大家無介紹錯啊！正！

跟住叫咗兩個蛋包飯

埋單2,210円，唔貴吖！

食飽行咗陣道頓堀，喺心齋橋地標影吓相。

喺激安買完嘢排隊搞退稅搞咗成個鐘，搞到十一點先返酒店。好彩酒店就喺激安對面。

一天行程又完了！

主頁：2015' 大阪、奈良暑假五天行
前一頁：Day 2.1 @ 池田インスタントラーメン発明記念館

後一頁：Day 3.1 @ 環球影城