08:59~09:08 | [阪神]なんば線 | 大阪難波 → 西九条 200円 / 100円
09:16~09:21 | [ＪＲ]桜島線(ゆめ咲線) | 西九条 → ユニバーサルシティ 180円 / 90円
20:37~20:43 | [ＪＲ]桜島線(ゆめ咲線) | ユニバーサルシティ → 西九条 180円 / 90円
20:51~20:59 | [阪神]なんば線 | 西九条 →大阪難波 200円 / 100円
(交通收費及詳細資料請往交通篇)
酒店：クロスホテル大阪 (Cross HoteOsaka)
由Harry Potter出嚟後，朗朗一馬當先去搵爆谷買。
就係哩個爆谷令佢心啩啩啦！ 個後腦裝爆谷。
對眼會郁咖！幾得意！
哩期哩隻嘢真係大熱呀！
佢都有饅頭出喎！
不過佢哋真係幾得意啊！
本來重有個朱羅記要玩，但因為咁啱要維修，又諗唔到要玩咩，所以都係去食飯先，而且都成三點，真係要抖吓先得！
餐廳都係揀迷你兵團主題餐廳，又係超多人。
先排隊買食物
排咗半個鐘，終於到我哋啦！
哩個係兒童餐，有漢堡扒、炸蝦、腸仔、唔辣嘅咖喱飯同芒果布丁。
我哋叫咗個焗海鮮飯配沙律
同埋茄汁焗雜菜配沙律，食物味道真係唔錯，樣樣都好好食。
食飽望住出面烈日當空嘅戶外，真係唔想走出哩個冷氣地區，朗朗又攰到瞓咗，於是同表妹傾吓講吓，不經不覺講到六點，晚飯時間都到啦！
哩刻餐廳無晒人買嘢。
我哋去咗Kitty Land，以為會好似東京或九洲嗰到咁有隻Kitty喺裡面同我哋影相同埋放滿Kitty嘅擺設，點知.......
裡面淨係Kitty嘅蝴蠂做裝飾嘅衫
去到館盡頭係有隻Kitty同你影相，但唔可以用自已相機，一定要用佢嘅嘅相機，出嚟買返，重最少要買兩張，真呃錢，重要影得唔靚囉！
出到嚟差唔多七點到巡遊時間，好多遊戲都close啊！
我哋都開始行返出近大門口嘅路邊等睇星光巡遊。
7:30準時開始
睇咗半個鐘到，覺得都無太大驚喜，而且驚一陣大家一齊離場會太多人，所以我哋八點就走啦！
由於成四點先食嘢，哩刻又唔太肚餓，所以我哋去便利店買杯麵解決就算。
食飽沖涼後瞓覺，一天行程又完了！
真係玩足一日喎 .
回覆刪除係呀！玩足十二個鐘，攰ccccccc呀！
回覆刪除