巴黎、瑞士之夢想自遊行(第六天)

02/07/2008(星期二)　天晴   巴黎 → 維威 (Vevey)

今朝早我哋五點就落街啦！因為噚日問過地鐵五點半就過車，所以諗住早啲落去搭可以早啲去到里昂車站！去到地鐵站口要行兩條長樓梯，咁LH同B女先搬一行喼落去，我就企喺到睇住兩個喼，點知突然有個男仔埋嚟同我古LU完一輪，就幫我攞起個細喼(26吋)，我咪即刻攞起個大喼(29吋)跟住佢，佢轉頭見我攞個大就即刻放返底個細嘅攞咗我個大嘅然後好輕鬆咁落晒兩條長長嘅樓梯嘞！嘩！估唔到臨走終於喺巴黎遇到個好心人啊！總算叫我可以為巴黎哩個城市加返少少分啊!

去到車站諗住買票，counter竟然冇人，出面就有幾個人排隊，咁咪用自動售票員機啦！但係部機唔知係壞咗定點，係完全冇反影。後來counter有職員嚟開電梯咁即係開工啦！又唔係喎！佢話六點先開工喎！吓…！咁點呀？部售票機又唔郁，眼見佢哋啲當地人一個個咁跳過閘口入去，咁我哋又冇理由跟姐！點算…突然LH諗到走過去兩條街嗰個地鐵站買票返過嚟！佢真聰明嘞！

之但係有票都冇用，唉！我哋根本冇辦法將張票放入個入票口，我諗佢哋係六點先啟動晒啲system，我真係唔明呀！咁點解又話5:30有車但又6:00先開工，即係點呀！最後我哋唯有係 "捐"過去囉！當我哋準備行動時突然有個伯伯比錢話買我張票，吓！佢買張票都係入唔到閘要"捐"嫁喎！到時咪佢有票渣手但我冇，緊係唔制啦！

好順利人連行李"捐"晒過去，然後嗱嗱淋落月台等車，但其實真係好鬼驚嫁！比人捉到都唔知點算！但我到而家都係唔明佢哋啲咩運作囉！有咩理有會咁亂嫁！再一次…唉！

好嘞！終於喺我哋預定時間去到車站重買咗個好豐富嘅早餐添！

然後好悠閒咁等上車。

好好味嘅杏仁飽啊！

四個鐘後終於嚟到我嘅夢寐以求嘅地方啦！瑞士我嚟到啦！

過關都好簡單，問吓你邊到嚟check一check個passport就開得嘞！

我哋首先喺車站搞掂個Swiss pass同攞啲資料，因為個pass明日先用得所以要買埋一陣去維威嘅車票。

跟住就去搵locker放底啲行李，哈…啲locker設計真係好嘞！我哋冇辦法將三個喼放落兩個locker到，但我換啲coins只夠比兩個locker用，最後我哋決定放兩個大喼，然後就拉住個細喼去日內瓦湖嘞！

嘩！真係好靚呀！好開心呀！

行咗個幾鐘就搭車去維威！重買咗個好好味嘅包喺火車做晏就。

沿途啲風景真係好靚啊！去到維威出站好快就搵到我哋住間hostal - Riviera Lodge，哩間hostal地點幾方便，就喺湖邊裡，地方又幾好啊！

http://hk.myblog.yahoo.com/jw!xKRw0VmBGB4ShQv8ezyHYho1NuoRnw--/article?mid=2821

我哋去到都係一點幾係未到check in時間，但去到reception 啱啱個負責人返咗嚟！佢話可以幫我哋提早check in，而且重問我哋跟住嘅行程，然後就教我哋點去呀、可以有時間再去邊呀！重每人比咗張hostal嘅咭我哋話去坐船同去古堡都可以半價，如果搭巴士就唔使錢。如果有Swiss pass基本上哩啲設施都唔使錢，但我哋個pass明日先用得所以哩張咭我哋都幾好啊！

我哋放哋晒嘢就出碼頭坐船去蒙投嘅西庸古堡(Château de Chillon)

碼頭售票處

我哋買咗4:05哩斑船呀！

上船啦！

沿途嘅風景好靚啊！

見到古堡啦！但係點解上面有條橋，明明旅遊書到冇嫁喎！

西庸古堡位於突向列馬湖嘅硬岩盤上嘅古城。哩到係契隆主教所屬嘅城，12世紀時落入義大利薩佛伊家手中。後來喺伯恩管轄期間，哩座城堡被當為代官住所同埋武器庫使用。

可能我哋未能深入了解佢嘅歷史，只係有到此一遊嘅感覺。

當我哋差不多要離開時就遇到一對香港夫婦，佢哋已經玩咗十多日，佢哋好開心話第一次見到香港人啊！於是我哋就向佢哋請教吓有邊到好玩。佢知我哋要去海迪村就叫我哋一定唔好去，又晒又行得辛苦又冇嘢睇，佢哋話阿B女一定會頂唔順，見議我哋去坐伯連那快車(Bernia Express)條線，佢哋話哩條線有雪山、有湖，嗰到嘅風景更勝冰河列車嗰條線，如果可以就唔好坐觀光列車，因為又貴又冇得開窗，喺個車廂內乾曬。我哋攞咗資料後就各自離開啦！返去再研究研究！

我哋搭巴士返去，然後就去超市買咗啲意粉同瓜今晚食啊！一返到hostel即刻去pantry煮飯仔，哩個item緊係由B女負責啦！

好快就食得啦！

本來諗住食飽飽就出去湖邊散吓步，點知我哋一邊喺食一邊傾計就搞到九點幾成十點，咁唯有沖涼瞓覺啦！明朝早啲起身去行！

食: 早餐(麵包3個): €5.00 (€1.70 + €1.50 + €1.80)

    午餐(麵包3個): CHF21.00 (CHF7.00 x 3)

        Supermarket: CHF31.80

        (乳酪4杯:  CHF0.65 x 4

         果汁3杯:  CHF1.60 x 3

    Evian水(150CL)1枝: CHF1.15

       意粉1 包(500g): CHF1.60

       麵包6個: CHF2.90

       火腿 170g: CHF5.35

       脆肉瓜: CHF1.95

       羅宋湯: CHF3.40

       磨姑忌廉湯: CHF3.60

       芝士1包: CHF4.45­)

行: GeneveàVevey: CHF78.00 (CHF26.00 x 3)

    Boat Trip (VeveyàChâteau de Chillon): CHF14.80

玩: Château de Chillon入場費: CHF18.00 (CHF6.00 x 3 持hostel卡半價)

其他: Locker :CHF8 (CHF4.00 x 2)

住: CHF111.00 (CHF37.00 x 3)