酒店 - スパホテルアルピナ飛騨高山

スパホテルアルピナ飛騨高山〒506-0021 岐阜県高山市名田町５－４１

本來諗住住車駅旁嘅Country Hotel，但因為前一晚改咗去砺波APA Hotel，而唔係原本金沢嘅APA Hotel，所以由有得浸溫泉變為無得浸，所以哩日就決定比多少少錢改住哩間溫泉酒店，佢位置都幾方便咖！

三人房 ：5,700円（大人）×
3名 素泊
合計：17,100円
寬敞嘅大堂，牙刷同梳要喺櫃台到索取咖！要用幾多就攞幾多。

上房啦！不過唔知做咩鬼咁手震，搞到啲相蒙查查呀！

三張床

一個闊落嘅浴室。

間房無咩特別，上九樓大浴場睇吓先。一出電梯就有個和式休息間。

哩到部水機係供應檸檬水咖！平時喺香港我自己都會浸檸檬水飲，真係啱晒我呀！

女湯係要輸入密碼先可以內進，Check in時酒店職員會比埋，無比就要問佢攞啦！男湯就唔使。

趁無人，大家入嚟睇吓啦！

更衣間都幾大啊！

室內有兩個暖水池，沖涼位都足夠。

哩個細池設計到好似張床咁，令你可以好舒服咁瞓到直直，隨時令你瞓著覺呀！

一推門出戶外，就有一個大圓缸。

同埋有個半露天風呂，下面有條那位可以浸住嚟欣賞高山市。

由九樓望落去大部份都係幾層嘅平房。