Day 4.3 @ 白川鄉 Part 2

2013年4月25日 晴天
08:09~10:16 | 加越能巴士 | 砺波駅前 → 白川鄉荻町神社前スパホテルアルピナ飛騨高山11:00~11:05 | 白川鄉明善寺前→ 白川鄉展望台11:45~11:50 | 白川鄉展望台→ 白川鄉明善寺前
14:00~14:50 | 濃飛巴士| 白川鄉 → 高山濃飛巴士中心 (交通收費及詳細資料請往交通篇)
酒店：スパホテルアルピナ飛騨高山 (SPA Hotel Alpina Hida Takayama)

其實個展望台都唔係好遠，喺車駅已經可以望得到，但大家都想慳返啲腳骨力，所以選擇搭車，間車幾多人搭，我哋去到只剩返企位，不過都係幾分鐘車，無所謂啦！

轉眼就到咗展望台啦！好多人呀！有幾團人喺到，其中一團係東xx。

我哋唔同佢哋迫，去行吓店舖先，展望台旁邊嘅小店除咗賣手信外，重有餐廳。

睇睇吓東xx嘅導遊可能聽到廣東話，入嚟捉佢啲團友上車，未睇清楚就同我哋講「叫你哋上車重走嚟行舖頭」，我望住佢，嚇到佢即閃。

既然大家都上車，我哋就施施然出去展望台慢慢影嘞！

 無晒人想點影都得呀！

雖然無冬天嘅雪景做襯托，但喺藍色嘅天、白色嘅雪山下，白川鄉都唔錯啊！

Zoom近啲先，見到であい橋呀！

屋旁重有兩棵櫻花樹。

影飽相就坐返車返落去啊！

返到明善寺前都十二點，先喺車駅旁嘅食店試吓啲飛驒牛串，順便食埋晏就。

爐內熱辣辣嘅飛驒牛肉包吸引B女要返個。

大笨蛋就鐘意食香口嘢，所以買咗個炸牛飛驒牛肉餅。

食飽就開始行白川鄉，其實都唔係剩返好多時間，我哋先去和田家。.

入和田家要比入場料金，300円一個人，我睇過網上評語話屋內其實無咩特別嘢睇，但嚟到唔入去又好似有啲唔甘心，但大笨蛋話佢唔入，咁就我同B女入，大拿拿600円入到去真係無咩睇。

頂樓就睇到屋嘅結構

由外面睇入上嚟。

睇咗陣有一大班小學生同日本旅遊團殺到，見到無咩嘢睇就走人啊！

出到嚟繼續周圍行。

哩到好多手信店，不過間間賣嘅嘢都差唔多。

哩個都幾靚，不過好重啊！


本來我想買一間哩啲合掌屋嘅模型，但唔啱size，所以無買。

影底佢當買咗。

行到七七八八，差唔多時候沿住大路行返出去案內所。

喺案內所攞返行李，就過去停車場等上車，巴士已經到咗，由於哩班車喺要預早訂位，所以我哋嘅坐位係要對號入座，上車前要同司機對坐位表。

等準時兩點開車，50分鐘後就到達高山濃飛巴士中心。