Day 3.1 @ 室堂、美女平

2013年4月24日 雨天
08:40~09:30 | 立山高原巴士 | 室堂 → 美女平
09:40~09:47 | 登山纜車| 美女平 → 立山10:04~11:06  | 電車| 立山 → 富山11:54~12:13  | JR北陸本線米原方面上り| 富山 → 高崗12:55~13:15  | JR城端線城端方面下り| 高崗 → 砺波 (交通收費及詳細資料請往交通篇)
酒店：アパホテル＜砺波駅前＞

由於噚晚山上無咩活動，而確實好攰，所以十點多就上床瞓，不過成晚都聽到外面「呼呼」嘅風聲，到四點幾起身睇吓會唔會睇到日出，但只見外面白雪茫茫，今日太陽伯伯都唔想見我，所以瞓多陣，六點就去浸個晨早溫泉後就去食早餐。

一早向窗外望已經有啲人由山上返落嚟啊！
今朝嘅早餐似樣好多。

.

.

.

.

.

.

.

.

.

.

所以攞咗一大碟食到好飽呀！食咗平時三陪嘅嘢呀！

我哋揀咗個窗口位對住個雪之大谷個入口嚟食。不過落咗一晚雪，噚日見到條石屎路今朝已經被雪蓋住晒啊！

食食吓重開始落大雪添呀！

由於出面落住大風雪，想再出去行吓都唔得啊！

於是乎我哋就搭8:40開出嘅高原巴士落山嘞！

咁早搭車一啲都唔多人，除咗我哋之外，全部都係日本人，佢哋都係全套裝備嚟行山或都係滑雪，真係好勁啊！

室堂駅都有好多locker啊！

夠鐘上車啦！

由室堂至美女平要坐一個鐘車，但沿途風景區非常靚。

哩班車無中途駅，係直駛去美女平咖！


開車啦！

有啲唔舒得添！

雪之大谷，下次嚟都未必睇到你啦！

巴士慢慢穿過雪之大谷。

我對哩到真係好難忘啊！

司機尊登喺雪之大谷最高位置慢駛比我哋影相。
跟住慢慢駛離室堂嘞！

.

.

.


無幾耐就去到天狗平啊！

過咗大概半過鐘，啲雪壁越嚟越矮啦！

同埋見返啲綠色植物，啲樹杆比啲雪壓住都係生長到喎！真係勁呀！

.

.

.

然後巴士去到称名滝前面，司機停咗間車比我哋影，但望暈全車就只有我同大笨蛋好雀躍咁又左又右咁影，其他人都好安靜地坐喺到望住我哋。唔好望啦！我哋少見哩啲大場面嘛！

由於啲雪未溶，兩條瀑布都結晒冰，好似兩行鼻涕咁呀！

轉埋哩個彎差唔多落車啦！

.

  ...續 3.2 美女平、立山、富山、砺波