Day2.4 @ 黑部平、大觀峰

2013年4月23日 陰天
07:16~08:13 | [JR]大糸線 糸魚川方面(下り) | 松本 → 信濃大町
09:05~09:45 | 巴士| 信濃大町 → 扇沢10:00~10:16  | 關電隧道無軌電車| 扇沢 → 黑部水庫10:16~11:30  | 步行| 黑部水庫 → 黑部湖11:30~11:35  | 登山纜車| 黑部湖 → 黑部平12:10~12:17  | 立山架山索道| 黑部平 → 大觀峰13:00~13:10  | 立山隧道無軌電車| 大觀峰 → 室堂 
(交通收費及詳細資料請往交通篇)
酒店：ホテル立山 (Hotel Tateyama)

行入到黑部水壩另一端，就係黑部湖駅，人真係好多。

好彩整個立山嘅交通都係分個人同團體嚟排隊，雖然每一駅都好多人，但個人條隊往往都得幾個人，我哋好多時都會係排第一或前幾個，在且駅員亦通常比我哋個人條隊行先，所以我哋好多時比隔離啲人遲到但就先上岸啊！

你睇前面幾多人，我哋就係下一班車嘅第一組人啊！

好恐怖嘅人潮啊！

轉眼我哋都上車啦！由於第一組上車，所以有位坐，跟住嚟嗰啲唯有企啦！

五分鐘就到咗黑部平啦！出展望台望吓先！

好靚嘅雪山啊！

哩到唔太多人，可能大家都要趕住去排隊坐吊車啊！我之前睇過有啲blog友講過佢哋跟團，由於要整團上車，如果太多團要駅內工作人員安排時間比佢哋上車，有團試過要喺黑部平停留兩個鐘先上到吊車啊！

但我哋唔急，行完手信店先！

時間啱啱好，埋到駅又係唔使排隊又可以上車嘞！

由於排頭位，所以可以企到個好位影相啊！

出發啦！

開始升高啦！

越升越高...！

越升越高...！見到對頭「車」，say 個 Hi 先！見到黑部湖呀！

七分鐘後又落車，到咗大觀峰啦！

又去展望台影吓相先！

啲境好靚，不過唔記得影返張全景添！

不過有少少片睇！

終於到咗今日最後一程車啦！

哈...哈！又係唔使等就排第一呀！

我哋哩邊無人，隔離迫爆，見到佢哋羡慕嘅目光啊！

好啦！又上車，當然有位坐得舒舒服服啦！ 不過上車時都有啲勞氣咖！話說因為得我哋係第一組個人組別, 所以我哋三個行頭上車, 後面幾位大嬸喺排近嘅時候已經係咁迫, 到上車我比媽咪上先, 佢直情喺後面推我, 我把鬼火都唔理儀態, 大聲用廣東話同佢哋講：「究竟你哋推咩呢? 成間車咁多位係咪重要推呢？」佢先當堂縮返隻手企定定等我哋上咗車先。