01/08/2009 晴天
哩個旅程要觀光嘅行程大致完成晒嘞！今日只係喺札幌行吓街，同埋去場外市場食海鮮。我哋噚日已經叫酒店職員幫我哋約咗海鮮店啲人11:30揸車嚟接我哋過去，所以今日終於可以瞓晏啲啦！ 今朝七點起身去風呂浸一浸，八點食早餐，九點出發。
第一站 - 時計台
九點幾已經好多旅行團停喺到啦！
第二站係行多幾條街就到嘅札幌鐵塔，我問佢哋上唔上去鐵塔上面參觀，B女話佢都唔夠高，比啲大廈阻住晒！所以唔上啦！
咁就喺塔下影吓相啦！嘩! 今日真係勁曬呀！咁早已經曬到好慶呀！
就快變咗非洲黑炭啦！
喺狸小路同激安の殿堂行到11點就行返酒店等海鮮店啲人接我哋嘞！
準時11:30就有人嚟到酒店大堂同我哋會合呀！開頭諗住自己搭地鐵過去，但喺搵資料時有啲blog友話可以叫佢哋搵人嚟接，咁睇過佢哋場外市場嘅網頁亦都話只要係喺札幌嘅範圍，佢哋就可以安排免費接送。咁就緊係好過自己搭車啦！
札幌場外市場 : http://www.kitanogurume.co.jp/
同車另外重有一家三口，佢哋係喺過兩條街嘅酒店。
上咗車司機比咗啲coupon同個label叫我哋貼上身喎！
只須三個字就到咗啦！司機會約埋我哋回程時間，真方便啊！
條街好似二条市場咁，但款式同價錢好似重多選擇呀！有好多食店都係喺市場選咗海鮮就即刻去舖頭煮。咪即係好似鯉魚門咁囉！
好大粒帶子呀！
幾大條八爪魚腳
重有啲好嘔心嘅罐頭呀！
哩到好多都設有試食咖！試過啱先買。
行咗輪又去開餐啦！今餐重錘出擊呀！就喺哩間食嘞！
佢哋安排我哋上二樓，因為二樓有識講國語嘅職員。
流口水啦！
帶子刺身 ￥580 ，又爽又甜呀！
北寄貝刺身 ￥850 ，好鮮甜呀！多喜二真係無得比呀！
牡丹蝦 ￥1,450 ，好食到唔識形容呀！
半份海膽飯 ￥2,200 ，覺得份量好似少咗啲，但好正呀！
海螺刺身 ￥850 ，好爽甜呀！
中拖羅 ￥2,000，入口即溶。
太好味啦！要 Encore個牡丹蝦同埋叫多個大拖羅呀！
大拖羅 ￥2,500，除咗入口即溶外，重要係好肥美呀！
好滿足咁食完哩餐，出去買返嚿夕張蜜瓜就真係好Perfect啊！
準時兩點，又搭返專車送我哋返酒店嘞！你可以要求佢車你去札幌其他地方咖！不過我哋都係返酒店放底啱啱買咗啲嘢先！
抖咗陣又去行街啦！
比遊客坐嘅觀光馬車
重有哩啲觀光單車
本來去行百貨公司，但最後都係行返去狸小路，由於只係行街買嘢，所以冇咩影相啊！ 行到差唔多晚飯時間就去噚晚想去食嘅鐵板牛嘞！
又嚟到薄野啦！
食牛前先去Fruitcake Factory買定蛋糕做宵夜，本來諗住去佢地舖食下午茶咖！但真係太多嘢食安排唔到啊！所以買返酒店食先！
我哋就係嚟哩到嘞！
就係哩間呀！
Cairn Annex牛扒屋: http://www.edo-8.com/annex.html
今晚都幾多人，但啱啱有三個位唔使等。 當我哋坐底，個侍應攞咗本日文Menu比我哋，我其實已經譯晒中文咖啦！點知有個大年紀啲嘅侍應攞本英文嘅Menu過嚟，重好好笑容咁同我哋講解，但講唔夠兩句，突然走個西裝嘅男人出嚟，佢應該係哩間舖最高級，問我哋邊樹嚟，我哋話香港呀！佢就好鬼開心話哩到日日都有香港人嚟喎！然後就好嚴肅咁叫頭先年紀大啲個侍應返入去，佢話要親自嚟喎！有啲受寵若驚呀！
佢好詳細講解每個餐有啲咩食呀、有啲咩特色呀、香港人通常食啲咩呀！最後我哋決定叫兩個餐三個人食。一落完order，佢就入叫人入廚房攞咗兩件大牛扒同一頂廚房帽出嚟戴喺大笨蛋頭上，然後佢攞個即影即有相機嚟同我哋影相。
嘩！好意外呀！簡直當我哋係貴賓呀！之後有個女經理重送咗個日本手製萬花筒比我哋做記念添呀！雖然唔係好貴但我哋都好開心啊！
嘢食嚟啦！頭盤係蒜溶包。
牛肉薄片
沙律
跟住師傅好似玩表演咁煮嘢比我哋食呀！
佢話哩個係火山爆發呀！
火熄咗重有煙噴喎！
玩完一輪就平均分三份比我哋呀！佢真係分得好平均咖！
主角嚟啦！250g A3和牛
佢又玩表演啦！
嘩! 真係好味到唔識講嘢啊！
我哋選咗蜜瓜做我哋哩餐嘅結尾呀！
埋單後！西裝經理又出嚟問我哋滿唔滿意，又話師傅係哩到最top嘅！跟住佢哋兩個一齊送我哋走，重要係送到唔見我哋個影先返入去呀！
哩餐食咗￥14,460，價錢唔平但係好滿足同埋都好值得！
路過影吓個塔嘅夜影先！
返到酒店沖好涼，食埋件好味蛋糕就瞓覺啦！今日食咗好多好嘢好滿足呀！
士多啤利蛋糕 ￥500
我至愛嘅士多啤利蛋糕 ￥550，係Fruitcake Factory 嘅人氣 no.1 嚟咖！ 好正呀！
哩件係季節限定嘅梨蛋糕呀！ ￥450， 味道好清好好味呀！
