參考價 - 一泊兩食/三人一部屋(包入湯稅) : ¥22,650
哩間酒店係一間比較有歷史嘅溫泉酒店，即係比較舊，我喺啲blog上面見到佢哋溫泉好似幾正，同埋佢嘅晚餐唔係喺房食嗰啲懷石料理，係食buffet，我覺得啱我哋啲，所以就選咗哩間嘞！
價錢、地點、食用、服務都幾好！但有一點要留意係我睇人哋個blog時，個個都係冬天嚟，所以冇留意到原來哩到係冇冷氣咖！除咗大堂同埋食野嘅地方，大部份地方係冇冷氣供應，所以如果怕熱的話，夏天唔好book哩間呀！
佢哋有免費巴士接送咖！入住嗰日就係下就3:00，走就係上就10:00，但如果去嘅時候想要哩個服務要先同酒店證記，佢上車嗰陣要對名咖！
酒店大堂
賣記念品嘅店舖，開到夜晚11點咖！
酒店旁有間便利店，都係開到夜晚11點。
我哋訂間房係8叠咖咋！比較細而且係冇浴室嘅，只有洗手間，我哋覺得無所為啊！反正我哋會去浸溫泉，佢個浴室都用唔著。
夜晚舖三張被舖啱啱好
大浴場同中浴場會不時交換比男、女用。
由於太多人所以溫泉區內冇影相啊！下面哩啲係喺酒店網頁copy出嚟咖！
有興趣可以上佢哋個網頁研究吓！
Shirley : 呢D "榻榻米" 床 , 我就至鍾意 . 唔錯 ! (不過冇冷氣就 ........... 等冬天啦)
回覆刪除Bye Bye !
[版主回覆08/09/2009 08:56:00]我都好鐘意瞓榻榻米咖! 哩覺瞓得最舒服呀! 但哩到有冷氣夏天就真係要考慮囉! 好似我咁就冇咩問題, 我係超級怕凍, 喺香港哩幾日我都唔使冷氣, 有時風扇都唔使呀! 係咪有啲變態呀???
有和室, 好正呀!
回覆刪除[版主回覆08/11/2009 07:43:00]去溫泉酒店係要瞓和室先有味道咖!
好傳統既一間溫泉酒店~~~嘻~
回覆刪除[版主回覆08/13/2009 13:57:00]係呀! 真係好傳統 - 百年老舖吖嘛! ha ~ ha !