北海道仲夏賞花の旅 (第三日-Part 2)

28/07/2009  雨天 

    富良野 à 中富良野 ( 富田農場、北星山町営ラベソダー園、彩香の里) à 富良野(肚臍祭)

(Part 2) 

好快又到咗中富良野駅嘞！不過今次駅裡面有個好細小嘅information counter，可以喺到攞返張地圖，同埋記住攞返張喺北星山町営ラベソダー園坐吊車減￥50嘅couple，哩張couple喺烏龜火車上面都有得攞咖！

跟住又係經過花人橋行15分鐘就嚟到頭先經過嘅北星山町営ラベソダー園

如果好似我哋咁有啲有件隨身行李，可以暫時放喺吊車站旁，佢哋有張枱仔比你放哩啲物品咖！貴重物品同證件就緊係跟身啦！個位唔會有人同你睇住咖！

我第一次坐哩啲吊車咋！好鬼刺激呀！

上到嚟個天又黑晒！如果好天哩到可以睇到十勝岳咖！而家淨係睇到一片灰雲。

想坐多陣扮晒難有思意都唔得，竟然又落起雨嚟，咁唯有落山啦！

哎呀！其實我有啲畏高咖！咪睇我腳fing fing好爽呀！查實我好鬼驚咖！ 不過腳下嘅薰衣草又真係好鬼靚啊！

       

好嘞！又去下一站 亦係我哋嘅行程最後一個花場 - 彩香の里

行返出北星山町営ラベソダー園右手邊行，即係返去中富良野駅方向，15分鐘後又見到條花人橋啦！

再行前啲就會見到慈雲山嘞，下一站黃大仙... 講笑咋！係慈雲山弘照寺

再向前行冇耐，右手邊就會出現一條大斜路咖啦！咁就可以沿住條大斜路直上咖啦！不過真係好斜好長，如果覺得自己頂唔順，可以唔好轉入條斜路繼續跟住車路向前行，咁就會行多少少平路(大槪多20分鐘) 但就唔使上斜咁辛苦囉！

過晒條石屎路，就會見到哩條插住個牌嘅「係路唔係路」，插得個牌都應該係路咖啦！

不過真係好斜呀！行得我上氣唔接下氣呀！

穿過黑暗嘅叢林，就快見到光明啦！不過未到光明前真係要加快兩步呀！哩到好多嘢飛嚟飛去咖！

到啦...到啦！

有係差咗個藍天呀！

四周圍影吓先

 

 

好多薰衣草呀！

B女又忍唔住要買雪糕食呀！多謝盛為￥300啦！

抖咗陣又回程啦！返落山時，個天好似比返少少安慰奬我咁呀！等我喺哩個賞花旅程嘅尾聲可以影返幅藍天白雲嘅相呀！

返到車站嘅時候真係天朗氣清呀！哩到係中富良野駅對面嘅舖頭，哩個車站裡面冇locker咖！如果想寄存行李可以放喺哩間舖頭呀！

我哋就搭14:41開出嘅列車，14:51就返到富良野啦！

哩張係喺酒店房影出去咖！幾好天！係哩幾日最好天嘅一刻呀！

今日行程比預期早咗完成，咁大家都落去大浴場沖返個涼，浸返個浴再抖一抖準備睇黃昏開始嘅肚臍祭呀！

                                                                                            ....續