富良野 Furano Natulux Hotel (http://www.natulux.com/)
參考價 - 單人房 : ￥9,500 / 人 ，雙人房 : ￥8,000 / 人
嚟富良野、美瑛一帶好多人會選擇住民宿，但由於佢哋大多遠離車站，而我哋又唔識揸車，每次出入都要等屋主接接送，而且通常佢哋都係包食兩餐，咁即係要限時限刻返去，對於個行程會有所限制，沖涼又要等分配時間排隊沖，好似好多唔方便，所以我就選擇咗哩間只係喺富良野車駅旁邊嘅酒店嘞！ 哩間酒店喺舊年年中先至開業，所以好新，而佢環境好舒服，又近車駅，同埋喺佢後面已經係富良野嘅大街，肚臍祭都係喺到舉行，所以真係好啱我哋嘅要求。 而且佢都有個細細哋嘅浴場，每日行完返嚟可以去浸一浸真係好正咖！所以一早已經鎖定目標要訂哩間酒店嘞！ 但由於佢真係相當方便，所以早喺三月頭已經full得七七八八，我日日上jalan個網，佢一放出嚟比我book時都已經唔係剩返好多房咋！真係手快有手慢冇呀，
有地毯前嘅係自動木門，好多人唔留意重以為佢係牆，重四周搵門口入呀！
放喺架上嘅紀念品
個門牌設計得好特別呀！
房size就細啲但係都OK咖！
啲基本設備有晒，自己都唔使點帶嚟呀！
從房嘅窗口望出去，距離車駅真係好近呀！
哩個境係酒店後面，即係富良野市嘅大街。
地下有個細型浴場，同時可以容納3個人。
Shirley : 呢間酒店都好靚 , 不過實在太搶手 , 要預早咁多 , 都幾大問題 .
回覆刪除Bye Bye !
P.S. : 個 SPA 又真係好蚊型喎 .
[版主回覆08/09/2009 09:07:00]因為佢實在太方便啦! 我諗唔係旺季會好啲, 同埋我臨出發前一兩星期都有入去訂房個網到睇, 佢間唔中會有一間半間房放返出嚟咖! 但當然等咁嘅機會就牙煙啲囉!
係呀!個SPA真係細咗啲! 我哋三個入咗去就已經full咗啦! 好彩每次都唔多人, 通常係我哋三個包場囉!
石頭門牌咁重, 唔知點黐上去o架呢?
回覆刪除[版主回覆08/11/2009 07:42:00]疑 ! 係喎! 咁嘅問題我又冇諗過喎! 淨係覺得好特別咋喎! Hmm....唔知會唔會後面制個鈎掛起佢呢???
日本d房係細d~不過最鐘意佢地夠乾淨~~~
回覆刪除[版主回覆08/13/2009 13:59:00]哩間酒店啲房雖然細, 但佢嘅環境同地點都一留咖! 有機會再去我都會選哩間酒店呀!
真係幾靚噢！我都有考慮過呢間，但貴左d，所以都係放棄。
回覆刪除[版主回覆08/30/2009 12:08:00]因為貪佢方便吖嘛! 肚臍祭巡遊就喺佢後面街,又近火車站, 所以唯有其他地方慳啲都住哩到囉!
我都係住呢間呀.我自己都係周圍搵個大堂門,哈哈!
回覆刪除[版主回覆09/04/2009 12:47:00]我真係幾鐘意哩間酒店, 好舒服又方便, 我都係去之前睇咗人哋嘅blog提點先知大門所在, 如果唔係我諗我都要搵呀!