北海道仲夏賞花の旅 (第三日-Part 1)

28/07/2009  雨天 

    富良野 à 中富良野 ( 富田農場、北星山町営ラベソダー園、彩香の里) à 富良野(肚臍祭)

(Part 1)

今日一起身望出窗外見到成個天都黑晒！個心情真係跌到落谷底呀！落雨落成咁點算呀！唔通連個天都唔鐘意我，去睇花先嚟落雨。

但都照原定計劃食咗早餐就搭6:01開出嘅列車去中富良野喇！

大家冇眼花，的而且確係朝早6:01開出，所以我哋6:11就到咗中富良野駅啦！我哋哩團真係名正言順嘅辛苦團嚟咖！重慘過跟團morning call呀！ 為嘅係想避開人潮呀！因為我哋今日第一站係要去享負盛名嘅富田農場呀！而且如果唔搭哩班6:01嘅列車，就要7點半先有另一班車，計埋行過去嘅時間要成8點幾先去到啊！所以都係早啲好！

哩條就係傳聞中又嗅又焗嘅花人橋

而家天陰陰行都有少少焗，如果係烈日當空行就真係幾攞命喎！

過咗花人橋轉右，係咁向前行

大槪三個幾字就會有條斜路就跟住行

沿途嘅指示皮好清楚呀！唔怕蕩失路呀！

其實前面已經係北星山町営ラベソダー園，但我哋會下就先嚟哩到，所以就繼續行啊！

再行多三幾個字就到咗富田農場啦！

喺富田農場入口會見到哩啲咁靚嘅向日葵花田同埋南瓜田啊！

哈...哈！ 七點就嚟到啦！鬼影都冇隻呀！得三個傻瓜咋！

五年前跟團時我話過會自己再嚟，今日我終於嚟咗啦！

 

冇人呀！你想點影就點影！横影又得、掂影又得、瞓喺到影都得！得咗！

哩個位係富田農場必影位置，平時好繁忙要等好耐咖！

Hi，我喺哩到呀！

B女，你又掛住玩水嘞！

差咗個藍天，個彩色花田當堂失色咗啲啊！

但都好感恩，因為啲雨勢好似冇大到，而且好似個天越嚟越光添呀！

八點半後啲工人同商舖都開工啦！而啲遊客亦開始嚟啦！

製造薰衣草香油嘅地方

行到好倦呀！食件蜜瓜先！￥250一嚿，嘩！貴咗喎！以前係兩嚿咖喎！

食完蜜瓜就係shopping時間啦！大家都有收穫喎！

跟住就喺哩到嘅小食店食埋晏先走嘞！所為嘅晏都係十點幾咋！

樣樣都好好味呀！食飽飽逛多陣就走嘞！因為有班烏龜列車會喺11:16停泊喺ラベソダー畑駅，哩個站係臨時搭建咖！淨係夏季先會用咖！

Bye Bye 啦！後會有期！

走嘅時候啲旅遊巴開始到啦！

由富田農場行去車站都好近，大槪七分鐘就到啦！

                                                                            .....續