2011年5月21日 星期六

好想放假去旅行啊!

都好耐無update個blog,主要原因緊係因為四月份去唔成京、阪賞櫻之旅而無心機,另外就係近哩兩個月工作真係十分忙,每晚返到屋企都好似死咗咁唔想郁,一返到去就食飯,跟住立刻沖涼瞓覺,所以都好耐無上網嗱!

而家咩都唔想,淨係想放大假去旅行。由於真係好攰,提唔起勁去搵資料,同埋到時都唔想用個腦諗嘢,估計今次會跟團,但未落實去邊好。暫時有幾個選擇都好似幾吸引啊!

1. 吉隆坡、浮羅交怡
哩個地方幾年前去過,幾鐘意浮羅交怡嘅環境,所以都好想再哩個地方,同埋可以好relax咁喺酒店hea吓!

2. 沙巴
其實啲活動同浮羅交怡差唔多,不過價錢就平少少囉!

3. 曼谷、七岩、華欣
我啱啱做嘢時儲到錢第一次出國旅行就係泰國,但當年去完之後嘅印象都係麻麻哋,所以咁多年都無再去過,今次見到哩個團嘅價錢比上面兩個平好多,而且重係豪華團添,都係陽光海灘好似幾吸引啊!


大家話去邊到好呢?
Thinking
  不過最緊要都係度吓個假,唔批假就邊到都唔使去呀!



最後假期都係唔批,以上嘅諗頭全部要擱置,到十月中先可以放假呀!